Pacquiao dili na P4P king

GITANGTANG na si 8-time world champion Manny Pacquiao sa iyang trono isip pound-for-pound champion sa gikonsiderar nga bibliya sa boksing nga mao ang prestihiyusong The Ring Magazine.

Sa taho sa Manila Bulletin, ang Pambansang Kamao sa Pilipinas nailugan og puwesto ni American Floyd Mayweather Jr. human sa botasyon nga gidumala ni The Ring editor-in-chief Michael Rosenthal.

Gikataho nga nakadawat si Mayweather og 5.5 first place votes samtang si Pacquiao igo lang nakadawat og 3.5 votes sa botasyon nga giapilan sa bantugang boxing writers lakip na si Kevin Iole sa Yahoo! Sports.

Ang uban nga nangapil sa botasyon mao sila si Ron Borges sa Boston Herald, Gunnar Meinhardt sa Die Welt (Germany), Gary Andrew Poole (Ring contributor), Norm Rosenheim (Ring contributor), Keith Idec (The Record/Herald News of New Jersey), Harry Pratt sa Daily Star (United Kingdom), Rick Reeno sa boxingscene, Dan Rafael of ESPN.com ug ni Nick Giongco sa Manila Bulletin.

Si Pacquiao maoy naghari sa P4P sukad pa niadtong 2008 human nakadesider si Mayweather nga mopahuway una og away.

Adunay pipila ka boxing writers ang ningkuwestiyon sa resulta sa botasyon.

Si Ronnie Nathanielsz miasoy nga biased ang resulta kay si Mayweather suportado man sa Golden Boy Promotions ni Oscar De La Hoya, kinsa mao sab ang kasamtangang tag-iya sa The Ring.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph