Pacquiao Int’l Open 10-ball, Dec. 8-17

PORMAL nang gianunsyo ni world 8-division boxing champion Manny Pacquiao ang pagpa­higayon sa 2nd Manny Pacquiao Inter­national Open 10-Ball Billiards Tournament nga gikatakda karong Disyembre 8-17 sa General Santos City.

Si Oliver Pauya, kinsa maoy gitahasan sa pagdumala sa torneyo, mibutyag nga daghan nang dekalidad nga mga bilyarista sa sulod ug gawas sa nasod ang ningkompirmar sa ilang partisipasyon.

“I could not give you the exact number of participants right now but a lot of international and local professional billiards players had already confirmed their attendance,” matod pa ni Pauya sa interbyu sa www.philboxing.com.

Matod ni Pauya nga ang torneyo adunay kinatibuk-ang ganti nga US$150,000 o P6.6 million.

Ang mga kampiyon sa doubles event makadawat og US$40,000 samtang ang maghari sa singles category makaluklok og US$13,000.

Niadtong Septiyembre gipahigayon ang premirong edisyon sa kompetisyon.

Si Thorsten Hohmann sa Germany mao ang nipatigbabaw sa singles event samtang ang panagpares sa mga Pinoy nga sila si Jeffrey Ignacio ug Jeff De Luna mao ang mingdaog sa doubles division.

Ang torneyo, nga ipahigayon sa SM City GenSan, libre alang sa publiko.

Mahuman kini atol sa adlawng natawhan sa Pambansang Kamao sa Pilipinas karong Disyembre 17.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph