Pacquiao kinahangla’g impresibong daog: Roach

GITINO ni American boxing trainer Freddie Roach nga nagkinahanglan og impresibong ka­daugan si Manny Pacquiao batok kang Mexican-American Brandon Rios karong Nobiyembre 24 sa Macau aron makabangon kini sa duha ka mga pilde sa nasinati niini sa miaging tuig.

Gipasabot ni Roach, kinsa maoy naggiya kang Puerto Rican Miguel Cotto ngadto sa 3rd round TKO nga kadaugan batok kang Delvin Rodriguez ning bag-uhay lang, nga mao ra kini paagi aron mapamatud-an ni Pacquiao nga usa gihapon kini sa labing maayong mga boksidor sa tibuok kalibutan.

“I don’t think we really have to turn the clock back. I think he has to go out and make a statement,” matod ni Roach sa interbyu sa RingTV.

Si Roach kasamtangang nag-train kang Pacquiao sa Wild Card gym sa General Santos City diin kuyog niya ang sparring partners nga makatabang sa pagpangandam ni Pacquiao batok sa pressure fighter nga sama ni Rios.

Sa iyang pag-abot sa nasod pipila ka mga adlaw na ang nakalabay, wala na tugoti ni Roach nga magduwa og basketball si Pacquiao kay delikado kon mapiangan kini nga seguradong makaapekto sa ilang training camp.

“I’m not a fan of Pacquiao playing basketball,” pasabot ni Roach. “There are so many injuries that can happen in basketball. Just last month he twisted his ankle.”

Si Pacquiao nagtinguha nga makabawi gikan sa kapildihan nga iyang nasinati sa miaging tuig batok nila ni American Timothy Bradley (split decision) ug Mexican Juan Manuel Marquez (KO 6).

“With Manny Pacquiao, we’ve seen that he’s been knocked out twice earlier in his career and he bounced back really well. Manny is a realist, he understands that it’s part of the sport, so he knows that anyone can get knocked out and he doesn’t really dwells on it. We have to go back to what we were doing in that fight,” dugang ni Roach.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph