KONDISYON na kaayo si Pinoy ring icon ug Sarangani Representative Manny Pacquiao, kinsa mibiyahe na niadtong Sabado sa gabii.
Matud ni assistant coach Buboy Fernandez, kondisyon ang panglawas ug relax ang hunahuna ni Pacman dihang milakaw kini.
Una mibiyahe, nakigsalo pa ang fighting congressman sa iyang pamilya.
Sumala pa nga di makatan-aw og live sa away ang asawa nga si Jinkee tungod buntis kini hinungdan nga mihatag na lang kini og good luck wish alang sa mister.
Sayo niini, gusto pa unta mag-extend sa iyang pagbansay sa lungsod sa Heneral Santos si Pacquiao.
Apan pahayag ni Nonoy Neri, nutritionist ni Pacman, gihangyo sa Pinoy ring icon si coach Freddie Roach nga di una mobiyahe apan wa misugot ang American trainer.