Pag-inom ni Baron; Jodi gitudlong sad-an!

POSIBLE kaha nga makatay-og sa hilum nga life ni Jodi Sta. Maria-Lacson ang bag-ong rebelasyon sa ex-boyfriend niyang si Baron Geisler?

Sa interview kang Baron giangkon niini nga nagsugod ang iyang alcohol dependency sukad sila nagbuwag ni Jodi.

Say ni Baron sa interview kaniya sa Headstart sa ANC uban ni Karen Davila nga "a major heart break" gyud ang ilang panagbuwag sa aktres.

"Yes. She is one of the reasons why I became a bit crazy," dialogue sa aktor.

Ni Baron nagsugod na siya og inom-inom sukad sila nagbuwag sa aktres, nga kapikas na karon ni Pampi Lacson, anak ni Senator Ping Lacson.

"Yeah. Let's just put it this way: she is the one that got away....not in the sense na serial killer ako. She's the one that got away," niya pa.

Apan share ni Baron nga friends sila karon ni Jodi, apan di lamang siya sure kun unsa ang mamahimong reaksiyon ni Jodi sa iyang pahayag.

"I don't know after the Noah incident, I don't know if she's angry with me, but I spoke to her naman, I apologized to her naman after the incident kasi nagwala ako sa set," say ni Baron.

Wala sab gilimod ni Baron nga hubog gyud siya that time nga nahitabo ang sumala pa paghilam niya sa dughan ni Cherry Pie Picache.

Human sa hitabo mipasang-at gilayon og reklamo ang aktres sa ABS-CBN management ug Professional Artist Management, Inc. (Pami).

Ang ABS-CBN daling mitubag sa reklamo, gipatay nila ang karakter ni Baron sa seryeng “Noah”.

Samtang sa nakalabayng tigum nga gipatawag sa Pami naka-desidar sila nga di una tugutan ang ilang mga artista nga maka-trabaho si Baron samtang wala pa gyud kini maka-recover sa iyang kahimtang.

Sa pikas bahin misaad sab si Baron nga tinud-on gyud ang iyang pagbag-o.

Ang aktor mopailawom sa 90 diyas nga treatment alang sa iyang pagka-adik sa alkohol.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph