Paghimong legal sa prostitusyon gisupak

HUGOT nga gibabagan sa women's group nga Talikala ug Lawig Bubai ang sugyot nga himuong legal ang prostitusyon subay sa sugyot sa United Nation (UN).

Semana na ang nakalabay, miguwa ang maong sugyot sa UN diin alang nila nga pinaagi niini, mahatagan sa basic access ug katungod nila ang mga sex workers, makontrola sab ang pagkuyanap sa sexually transmitted disease ilabi na HIV.

Apan alang ni Carina T. Sajonia, advocacy program officer sa Talikala, mas mopa-grabe lamang kini sa suliran.

"Kami sa women's sector dili gyud mi pabor ana. Alang kanamo ang pag-legalize dili na tubag sa suliran, inay mas mopasamot na hinuon siya sa problema," ni Sajonia atol sa Kapehan sa SM City Davao Annex, Lunes.

Dugang ni Sajonia mas mosamot lamang ang problema, mas maayo nga hatagan sa sakto ug disenteng panginabuhian ang mga prostituted women/children aron manginabuhi silang normal ug may dungog.

Baruganan sa grupo nga inay i-legalize ang prostitusyon mas maayong silutan ang mga tawong misuporta sa sama niini nga trabaho.

"Mas maayo nga i-sanctioned tong mga buyer aron wala nay maalaot pa," niya.

Dugang ni Sajonia nga dinhi sa siyudad sa Davao, dunay kapin kuwatro mil ka mga prostituted women/children nga rehistrado ug dili rehistrado.

Aminado ang opisyal nga luyo sa ilang hugot nga kampanya kontra prostitusyon, daghang menor ang nalambigit dinhi, diin sa kwatro mil nga ihap, 20 porsyento niini mga kabataan.

Bisan si Bayan Muna Representative Teddy Casino mipasibaw sa iyang pahayag, hugot nga mibabag sa pag-legalize sa maong matang sa trabaho.

Sa pikas bahin, gikompirma sab ni Sajonia nga miubos ang ihap sa mga prostituted women/children dinhi sa dakbayan, tungod kadaghanan kanila didto nag-migrate sa mga minahan aron didto manginabuhi. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph