Patay’ng lawas sa BM-29 naglutaw

NAGPABILIN nga wala pay identipikasyon ang hubo nga patay'ng lawas sa usa ka gituohang miyembro sa notoryos nga grupong Batang Mindanao (BM-29) nga napalgang naglutaw sa lawod sa lungsod sa El Salvador, Misamis Oriental.

Nasayran nga tulo ka mga mananagat nga pulos residente sa lungsod sa Tagoloan, Misamis Oriental ang nakakita niini sa lawod nga bahin sa El Salvador mga alas 3:00 sa hapon niadtong adlawng’ Lunes.

Hinungdan ila kining giguyod sa ilang gisakyan nga pumpboat ug gidala paingon sa lungsod sa Balingasag diin sila mogarahe sa ilang sakayan.

Gipahibalo usab dayon kini nila sa kapolisan sa lungsod sa Balingasag ug didto nakita sa paa niini ang patik nga nagtangag og BM-29.

Dili pa usab masuta sa kapolisan sa Balingasag kung aduna ba kini samad dinunggaban o pinusilan labina anaa na kini sa pagkadugta ug ingon man dili na maklaro sa lawas niini.

Niini dili mahibaloan sa kapolisan kung naanod ba ang biktima o biktima sa summary execution.

Ang patay'ng lawas ning panahon ang gidala na karon sa usa ka punerarya sa maong lungsod diin ang biktima gikatakdang ipaubos sa otopsiya.

Nanawagan usab ang kapolisan nga makigkoordinar kanila ang pamilya nga buot motan-aw niini ug mo-claim niini aron usab maimbestigahan ang kamatayon sa biktima. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph