Petisyon sa mga driver gibasura

PADAYON nga di makasud sa dakbayan sa Sugbo ang mga jeepney nga gikan sa dakbayan sa Mandaue human gibasura sa korte ang petisyon nga ilang gisang-at aron pugngan ang pagpatuman sa ordinansa nga nagdili kanila sa pagsulod sa kinapusoran sa siyudad.

Si Judge Enriqueta Belarmino sa Regional Trial Court (RTC) Branch 58 nibasura sa declaratory relief ug prohibition with prayer for issuance of temporary restraining order and writ of preliminary injunction nga gisang-at sa Kahugpongan sa Mandaue Jeepney Operators ug Draybers Association, Inc. sayo ning tuiga.

Sila si Cebu City Mayor Michael Rama, konseho sa dakbayan ug ang City Traffic Operation and Management (Citom) ubos ni Sylvan “Jack” Jakosalem maoy gipasakahan sa reklamo.

Matod ni Belarmino nga ang gipasakang kasong civil sa Kamjoda maoy ikatulo nga gipasaka ug sama ra ang gipresentar nga argumento nga nag-awhag nga pugngan ang kagamhanan sa dakbayan sa Sugbo nga maimplementar ang Cebu City Ordinance (CO) 1837, 1958, 2072 ug 2214.

Ang CO 2214 nga giuyonan niadtong Oktubre 14, 2009 nagdili sa mga PUJ nga may rotang 21-B nga makasud sa Osmeña blvd. ngadto sa Colon st. samtang ang CO 1837 nagpugong nga di makapanaog ug makapasakay og pasahero gawas sa gi-designate nga terminal.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph