Petsa sa calibration sa mga taksi gisibog

SUGDAN karong adlawng Lunes ang pag-calibrate sa mga taxi units dinhi sa siyudad alang sa bag-ong usbaw sa pletahan nga ipatuman subay sa kamanduan nga gipakanaug ni Land Transportation Franchising and Regulatory Board (LTFRB).

Sumala pa nga adlawng Sabado, Enero 22, ang naunang nasabutan nga adlaw sa pag-calibrate apan gisibog kini sa mosunod nga adlaw.

Sa pakighinabi sa Superbalita kang Ryan Tan, presidente sa Metro Davao Taxi Operators Association (Medatoa) siya nagkanayon nga nangandam na sab sila sa pag-calibrate sa bag-ong metrohan nga gamiton sa ilang taxi units.

"Sa Monday mag-start na yung calibration with the LTFRB personnel. I-tsek na tong metro nga bag-o kadtong mo-isyu og resibo before kini selyuhan and pwede na mapatuman ang bag-ong fare sa taxi."

Sumala pa nga by-set ang pagpa-calibrate nila uban sab ang nagkadaiyang taxi operators bisan individual operators dinhi.

"We expect nga anang adlawa diha magkatapuk-tapok sa LTFRB. We are encourage to comply sa requirements bago makapataas sa plete, kami motuman sab unsa man ang kamanduan," ni Tan nga mao say nagdumala sa Mabuhay/Blue Taxi nga nagdagan ning siyudad sa Davao.

Giklaro sab ni Tan nga kun may increase man sa renta sa taxi sa ilang

mga drivers gipaniguro niyang dili kini bug-at alang kanila.

"Kun may increase man siya minimal lang yan. Siguro P30 lang. Siguro sa ubang taxi operators o company mas taas sila o unsa, pero diri sa amoa we want to make sure nga dili sab mabug-atan ang atong mga drivers," niya pa.

Nauna ng nabalaka ang mga taxi drivers nga posibleng mosaka ang ilang renta sa taxi nga mas mopasamot pa sa ilang gibati nga kalisod.

Nasayran nga tungod sa kamahal sa metrohan nga mo-isyu og resibo, sila nanaghap nga dinhi mobawi ang mga operators, sa ilaha ihan-ok ang pag-abaga sa galastuhon sa bag-ong metrohan.

"Ang meter kasi mag-depende sa iyang brand kun kini ba mahal o barato lang. Naa may metro nga tag six thousand ang pinakamura pataas. Sa akong gisulti kun mopa-increase man minimal ra gyud," pasalig ni Tan.

Sa pikas bahin wa sab mibati og kabalaka si Tan sa posibilidad nga moubos ang ihap sa ilang mga pasahero tungod sa bag-ong usbaw sa pletehan sa taxi nga gikan sa P30 tag P40 na kini ug P3.50 nga patak sa mosunod nga metro.

"Wala naman, wa mi ma-worry ana. Everything is going up this time, bisan ang price sa commodity, needs sa tao, same with sa fare. We believe the people can adjust sa changes nga mahitabo. And besides di man gyud mawala ng mosakayay sa taxi, naa man gyud na sila. Naay certain market nga ang way of transportation nila is taxi gyud."

Samtang ang Holiday Taxi nga makita dinhi sa siyudad, nangandam na sab sa mga gikinahanglan rekisitos nila sa pagpatuman sa bag-ong increase sa plete.

"Sa pagkakaron nag-order nami og meters didto sa Manila pila ka adlaw gikan karon mag-abot na sab to ready for calibration na sa LTFRB. HInay-hinay lang sa gyud namo hangtud sa maka--comply na ang tanang units namo," pung ni Janet Encarnacion representante sa kompanya sa pakighinabi kaniya pinaagi sa telepono.

Nauna ng gibutyag ni LTFRB XI regional director Benjamin Go sa nakalabay nga adlaw nga taud-taud pa gyud una mapatuman ang fare increase dinhi tungod wala pay bisan usa ka taxi operators ang mipasang-at sa rekisitos alang sa calibration.

Kabahin niini gipakanaug sab ang deadline nga Marso 31, ning kasamtangang tuig aron kinatibuk-an ng ma-calibrate ang mga metrohan sa taxi.

"We are given till March 31 as deadline sa pagpa-calibrate ng taxi meters natin. Kailangan namo magsunod ana para dili sab mi ma-penalize. Kun di gihapon ka maka-calibrate sa imong metro unya lapas na sa March 31 ma-charge ka og undercharging then dili na sab i-allow nga mobiyahe ang imong unit," isplikar ni Tan. (ROG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph