NAGDASOK ang mga tawo dihang nanghatag na ang Nike Philippines og libreng tiket kagahapon alang sa pagbisita ni basketball superstar LeBon James sa Pilipinas sa labing unang higayon.
Gibanabanang kapin sa 6,000 ka mga tawo ang nagdasok sa tinguha nga makakuha og tiket sa kalihukan nga gitawag og “Witness History” Manila Tour nga gikatakda karong Hulyo 23.
Niadto pa lang Lunes sa gabii, ang basketball fans nag-camp out na sa Nike Park sa Bonifacio High Street sa Taguig City alang sa mga tiket. Alas 10:00 pa lang jagahapon gisugdan ang pag-apod-apod sa mga tiket.
"Monday night there were about seven people already then another three followed. After that the numbers just grew,” asoy ni Rick Santiago, head of security sa kalihukan, sa interbyu sa www.gmanews.tv.
Bisan sa gidaghanon sa mga tawo, hapsay ra ang pagpanghatag sa mga tiket.
“The event was peaceful. People just fell in line to get their tickets. All of them are excited for LeBron and hopefully they get to enjoy their experience,” dugang ni Santiago.
Ang Nike Philippine nagpreparfar og 4,000 lang ka mga tiket aron ipanghatag nga libre pinaagi sa first-come, first-served basis.
Apan nilihok dayon ang pinaagi sa pagbaligya sa libreng tiket sa online classified ads sa kantidad nga P2,000 ngadto sa P3,500 matag usa. Aduna sa’y packages nga nagbalor og P10,000 alang sa upat ka mga tiket.
Ang “Witness History” ipahigayon sa Mall of Asia Arena.
