Pinoy mi-knockout sa beteranong Mexicano

HUMAN masagmuyo sa majority draw sa iyang unang away didto sa Estados Unidos, ang wa pay pildi nga si Jun “Hercules” Doliguez nakabawi pinaagi sa pag-knockout sa beteranong Giovanni Caro sa Mexico sa undercard sa Timothy Bradley-Juan Manuel Marquez title fight sa Thomas and Mack Center sa Las Vegas kagahapon.

Ang walhon nga taga Saranggani Province mipagrogi sa Mexican journeyman sa first round ginamit ang makusog nga wala, ug pipila ka higayon napasakitan hangtod nga na-down kini og duha ka higayon sa ikaunom ka round.

Si Elmer Anuran, ang manager ni Doliguez nag­kanayon nga gani sa nagsingabot pa ang away, determinado na kaayo si Doliquez ilabi na sa naghinapos nga training sa Wild Card Gym ni Freddie Roach ubos sa Filipino trainer nga si Benny De La Paz.

Ang 22-anyos nga Doliguez mipausbaw sa iyang record ngadto sa 17-0-2, 13 KOs. Iyang nalangkat ang WBO Oriental featherweight champion pinaagi sa pag-knockout ni kanhi world challenger Ciso Morales sa ikalima ka round.

Si Caro naus-os ngadto sa 24-14-4 nga may 19 ka knockouts. Niadtong Hunyo 1 iyang gi-knockout si Hugo Ruiz sulod lang sa duha ka round.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph