Pinoy Pride sa America gihikay na: Aldeguer

KASAMTANGANG naa sa Amerika si ALA Promotions president Michael Aldeguer aron hikayon og sugod ang ilang dakong plano nga mopahigayon og Pinoy Pride event sa maong nasod.

Nagkanayon si Aldeguer nga tinguha nilang madala ang nabantugan na dinhi sa nasod nga Pinoy Pride series sa Amerika karong Abril sa sunod tuig.

u201cNothing is definite yet pero mao gyud ni ang akong tuyo nga naa ko karon sa US,” matod ni Aldeguer dihang gikahinabi ning mantalaan kagahapon.

Gipasabot ni Aldeguer nga daghan pa siyang tawo nga angayang pagpakig-estoryahan alang ning maong proyekto.

u201cIt’s really part of our goal to promote big fights in the US,” dugang ni Aldeguer.

Karong Disyembre, ipahigayon ang Pinoy Pride 10 sa Hoops Dome sa Lapulapu City diin mobida si Rey “Boom-Boom” Bautista.

Giklaro ni Aldeguer nga wala pa sila’y ideya kon kinsa ang ilang paawayon sa main event sa Pinoy Pride event nga ipahigayon nila sa Amerika.

Sa laing bahin, nagkanayon si Aldeguer nga motambong sab siya sa 24th World Boxing Organization (WBO) Annual Convention nga ipahigayon sugod ugma sa Puerto Rico.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph