GUSTO ka bang mo-relax, magpawala sa stress ug gusto kang mohanggap og preskong hangin? Adto kita sa giila nga “Little Baguio” sa Sugbo, ang Barangay Gaas nga nahimutang sa lungsod sa Balamban.
Ang Gaas may gilay-ong 19 kilometros gikan sa Balamban ug 31 ka kilometros gikan ka sa siyudad sa Sugbo, anaa nahimutang sa utlanan sa siyudad sa Sugbo ug Balamban.
Gitawag kining Gaas nunot sa labing kusog nga bagyo nga niigo sa Sugbo niadtong tuig 1912 ang bagyong “Orakan”, dungan sa pagkalunod sa usa ka cruise ship nga gitawag ug “Titanic” sa Pacific Ocean.
Tungod sa misteryo nga nagpaluyo sa naasoyng kahoy, nabaniog kini sa tanang molupyo ug gihimo ang kahoy nga pasilunganan sa mga mangomprahay o mga dumoduong hangtod nga ginganlan ang barangay og “Gaas”.
Ang dakong punoan sa kahoy nahanaw niadtong tuig 1992 sukad nga gitukod ang Transcentral Highway nga naigo sa gibuksan nga dan.
Ang kabugnaw sa lugar mao usab ang nagdapit sa mga dagkong magpapatigayon nga motukod og mga resthouse sa brangay diin sila mga iladong apilyedo nga magpapatigayon, mga propesyonal ug politiko.
Kon way uwan, alas 4:00 pa lang sa hapon, makasinati kana og grabeng kabugnaw sa dapit, yamog nga modapat sa karsada hangtod nga magbuntag.
Si Konsehal Eleuterio Gentapa, chairman sa committee on tourism, nipahibawo nga daghang mga suroyanan ug kalingawan nga gipangtukod karon sa ilang barangay.
Adunay gitukod nga Adventure Café, West 35, JVR Island in the Sky, K 33 ug GL Island Resort, mga sports adventure sama sa zip line, cable car, wall climb, plate throwing, dart, chess ug uban pang adventure.
Ang West 35 Adventure park modawat usab og mga bisita nga gusting mopahuway sa ilang mga lawak nga anaa mag-umbaw sa pangpang ug adunay ubang lawak anaa mipilit sa pangpang.
Ang gitukod nga mga adventure park sa barangay nakatampo og dako sa Internal Revenue Allotment (IRA) sa Gaas nga miabot og P2 milyones ang tuig.
Nagplano usab ang konseho sa barangay nga ilang ilusad ang “home stay”, mga kabalayan nga modawat og mga bisita nga gustong mopahuway, mahimong makagamit sa tubig ug pansayan sa mas menus nga bayranan.
Mga molupyo sa dapit makatagamtam og mas luwas nga palibot tungod sa presensya sa training center sa kapulisan, matag tuig makauban sa mga molupyo ang mga aplikante nga gustong mamahimong pulis diin naka-ukopar kini halos pito ka ektarya nga luna sa barangay.
Ang dapit di makalimtan sa kapulisan kay tipik kini sa ilang kalampusan anaa magagikan sa barangay. Di nila makalimtan ang mga kasakit ug kalipay nga ilang natagamtaman atol sa ilang training.
Ang Gaas mahimong mabisitan sakay sa motor nga habal-habal ug V-Hire. Kon gikan ka sa Balamban mo-plite kag P60 sa habal-habal ug P120 kon imong sakyan V-hire gikan ka sa siyudad sa Sugbo o Balamban.