PRO 11 kuwang og mga pulis: Corpuz

USA ka taas nga opisyal sa Philippine National Police (PNP) dinhi sa rehiyon miangkon nga kuwang sila sa mga personahe, apan wala kini nagpasabot nga mawad-an sila sa kadasig nga ipaniguro ang seguridad, kahapsay ug kalinaw sa rehiyon.

Si Chief Superintendent Jorge E. Corpuz, Police Regional Office (PRO) 11 deputy director for administration, nagbutyag nga wala nila maabot ang quota sa nakalabay nga tuig rason nga nagpadayon ang pagpangita nila og dugang personahe sa kasamtangan.

"We are short of manpower, kaya pa nga ‘til now patuloy pa rin ang recruitment natin," ni Corpuz atol sa Kapehan sa SM niadtong Lunes.

Nasuta nga sa nakalabay nga tuig may quota nga 433 apan sa oathtaking sa mga bag-ong pulis niadtong Hunyo 15 ning tuig, 222 lamang sila.

Malaumon si Corpuz nga Disyembre 1 ning tuig matubag na nila ang kakuwang nga 149 ka pulis nga modugang sa ilang puwersa.

Pebrero sunod tuig, laing 279 na sab ka puwesto ang ilang buksan alang ngadto sa kinsa mang interesado nga mag-pulis.

Sumala ni Corpus nga sagad sa mga buot mag-pulis matagak sa neuro exam mao nga di na sila makapadayon.

"Siguro kaya kokonti kasi nga madami ang nalaglag sa neuro exam," dugang pasabot sa opisyal.

Ang neuro exam usa lamang sa gina-agian sa buot mosud sa PNP, diin dinhi ginasukod kon ang usa ka indibidwal anaa ba sa maayong disposisyon o panghuna-huna.

Gipaniguro sab sa opisyal nga ang pagpili nila sa ilang personahe nagsubay sa taas nga kwalipikasyon.

"Sinasala natin sila ng maigi, para naman we can come up quality people/personnels on our group."

Sa pikas bahin, gibutyag sab ni Corpus nga hinay-hinay sab ang pagpamalit nila og armas alang sa PNP.

Dason niya, di mamahimo nga bulto-bulto ang pagpalit tungod mag-agad sab kini sa badget sa gobyerno.

"Yung firearms procurement natin is nagpapatuloy. Yun nga lang di agad-agad andiyan na kasi limitado din ang ating budget." (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph