Pulis gipugahan sa bayot nakaposas

NAKAPOSAS pa nga mipuga ang usa ka bayot nga gitahapang pusher human nasikop sa kapulisan sa Sta. Ana Police Station alas 10:00 sa gabii, Martes didto sa Purok 2, Barangay 76-A, Bucana, Davao City.

Kini ang gibutyag ni Police Supt. Royina M. Garma, hepe sa Sta. Ana Police Station human gitawgan sa SuperBalita kagahapon sa buntag.

Sumala ni Garma nga nagpahigayon og foot patrol ang iyang mga sakop sa dapit diin aktong nasiplatan ang usa ka bayot kinsa dunay gigunitan nga

shabu.

Diha dayon, giposasan sa kapulisan apan dihang gipangutana ug gikuha na ang impormasyon sa iyang pagkatawo, kalit kining midagan padung sa dagat ug wa na makita sa mga pulis.

"Nag-foot patrol yung mga pulis ko sa lugar, and then nakita yung isang bakla, may pangalan na tayo pero di muna natin ito ilabas, pinosasan siya, pagtanong na sa pangalan niya, tumakbo patungo sa dagat at yun hindi na nakita, nakaposas pa," sulti ni Garma sa pakighinabi sa Superbalita pinaagi sa telepono.

Una niini, usa ka lalaki sab ang nasikop sa Purok 1 sa maong barangay pasado alas otso sa gabii ug nakuhaan sab og pakite sa shabu.

Si Garma nag-asoy nga di sila mohunong kung di nila masikop ang bayot nga nakaposas nga mipuga atubangan sa iyang mga pulis. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph