RH bill makatabang sa MDG

DAKO og ikatampo aron magmalampuson ang Pilipinas sa pagtuman sa Millennium Development Goal (MDG) Nos. 4 ug 5 kun mapatuman ang Reproductive Health (RH) bill dinhi.

Ang MDG No. 4 mao ang “Reduce child mortality” samtang ang MDG No. 5 nagkanayon nga “Improve maternal health by 2015.”

Alang ni Lyda Canson, convenor sa RH Network Davao nga sa kasamtangan. naglisod sa pagkab-ot niini ang nasud hilabi na nga way tino nga programa labot reproductive health ang kagamhanan.

Sumala sa opisyal nga kun duna man, di sab makapaigo aron kinatibuk-an nga mapaabot ang ayuda ngadto sa bagang-duot sa komunidad.

Nauna ng gibutyag ni Ramon San Pascual, usa sa RH Bill advocate ug executive director Philippine Legislators Committee on Population and Development (PLCPD) nga matag adlaw dunay onse ka inahan/babaye ang mamatay tungod sa komplikasyon sa pagpanganak.

Gidason sab ni San Pascual nga tungod kini sa wala tino nga programa ang gobyerno nga makatabang aron mga kababaihan matudluan sa maayong buhaton samtang sila nagsabak, malikay sila sa mga kumplikasyon sa ilang kahimtang.

u201cIf RH bill will be pushed, then it's possible for the Philippines nga makab-ot ang Millennium Development Goal Nos. 4 and 5. For now kasi, lisud gyud kay walay specific nga programs nga nagtutok gyud sa maong suliran.”

Sa pikas bahin, suportado sab ni Canson ang probisyon sa RH Bill nga mga estudyante sa Grade 5 tudluan sa sex education subay sa pagpatuman as RH bill.

Alang sa opisyal nga ang maong edad haum na nga makakat-on sa kun unsa ang maayo ug dili sa ilang sekswalidad, anaa na sila sa puberty stage.

"I think the age is right. Kasi mas better na maturuan ‘yung mga bata in the puberty age, in which they should be aware of their responsibility as a woman and man."

Ni Canson, dili law-ay ang sex education ug di kini sama sa gihuna-huna sa uban nga tudluan ang mga kabataan nga molambigit sa pakighilawas, tungod kini magtudlo kanila nga mahimong responsibilidad sa ilang lihuk.

"Pag-grade 5 nagasugod na ‘yan og pangutana, asking questions unsa kini, in which mismong ang ginikanan ug maestra maglisud sa pag-discuss niini ngadto kanila. Bisan sa pag-regla ng bababe, many still follows the traditional way nga mag-ambak og tulo ka ang-ang sa hagdanan para three days ka lang."

Dugang ni Canson nga usa sa rason nganong di matudluan sa maayo ang kabataan labot sa kabag-uhan sa ilang lawas, mga angay nilang masayran tungod mga ginikanan ug magtutudlo mobati og kauwaw nga kini hisgutan ngadto kanila.

Gipaniguro sab ni Canson nga ang module nga gihimo alang sa sex education wala magtudlo og law-ay nga butang.

"Sexuality is not intercourse. Parents should be taught, daghan gihapon og mis-interpretation." (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph