Robin ug Mariel gikasal na!

SAKTO gyud ang panultihon nga "Love can move mountains."

Magkina-unsa man, basta mahigugma, keber na.

Finally, human ang makakurat nga rebelasyon ni Robin Padilla labot sa iyang nag-uros-uros nga pagmahal kang Mariel Rodriguez, mga intriga nga giatubang sa duha tungod sa paspas ug kalit-kalit nga dagan sa ilang relasyon, karon natuldukan na ang tanan human makumpirma nga gikasal na ang duha.

Sila Mariel ug Robin gikasal sa Baguio City, usa ka simple, very private nga seremonya nga gi-officiate sa usa ka native priest nga nailhang Mambunong, gikan sa Ibaloi tribe.

Ang tribung Ibaloi sagad mamuyo sa habagatang bahin sa Benguet.

Si Jimmy Ong, ang Mambunong maoy nag-officiate sa usa ug tunga nga oras nga seremonya, last Monday, September 13, alas tres sa hapon.

Misaksi sab sa kasal sa couple ang anak ni Robin nga si Ali.

Say ni Jimmy nga nagtuo lamang siya nga motambong siya og shooting, apan nakurat na lamang siya dihang nakita sila Robin ug Mariel nga nakasuot og tradisyunal nga sinina sa tribung Ibaloi.

"Tinanong ko si Robin kung kasal talaga ito. Sabi niya, 'Oo, kasal talaga.' Kaya sinimulan ko na," dugang ni Jimmy.

Atol sa seremonya, ang gikasal miinom og rice wine, pagsimbolo sa ilang gugma sa usag-usa.

Misayaw sab ang duha sa Tayao usa ka native dance aron ipakita nga opisyal na gyud sila nga gikasal.

Dugang sa Mambunong nga gibutangan sab og dugo sa baboy ang nawong nila Robin ug Mariel isip kabahin sa seremonya.

"Ang kasal na ito ay legal sa kultura ng mga Igorot....binasbasan ko sila na hanggang kamatayan magsasama sila."

Say pa nga human sa tradisyunal nga seremonya, subli sab nga gikasal ang duha sa usa ka pastor.

Super kapaspas gyud ang dagan sa relasyon nila ni Robin ug Mariel.

Sud sa pipila ka semana nilang panag-uban sa programang Wowowee, wala damha nga dulot sa dughan na diay ang gibati nga pagmahal sa aktor ngadto sa dalaga.

Si Mariel nga broken-hearted that time, kalit nga nabuhian og kalag, na-inspired sa super sweet nga gestures ni Binoe.

Giangkon sab nila Boy Abunda ug Bianca Gonzales, suod nga higala ni Mariel, nga bisan sila nakurat sa hitabo.

Sa Showbiz News Ngayon (SNN) tataw gyud nga in the state of shock pa ang duha sa latest tsika nga nasayran.

Hoping sab si Boy nga sa mosunod nga adlaw mohatag sa ilang pahayag ang newly wed couple. For Mariel and Robin, best wishes!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph