GIDUSLITAN ni import Joshua Dollard ang pag-ataki sa fourth quarter aron pangulohan ang Barako Bull ngadto sa 110-106 nga kadaugan batok sa Rain or Shine sa nagpadayon nga PBA Commissioner’s Cup kagabii sa Araneta Coliseum.
Ang 28 anyos nga Dollard mipabuto og 15 sa 22 puntos sa final period aron paghatag sa Barako sa 101-91 nga labaw sa nahabiling kuwatro minutos sa duwa.
Sa kinatibuk-an, si Dollard misumada og 44 puntos ug ang Bull nakabawi sa ilang unang kapildihan sa mga kamot sa Ginebra sa ilang unang duwa.
“I hope we learned from our last game. Though we’re ahead by 10 points, natapos four points ang lamang. I think that’s (blowing a late-game lead) our problem,” matod ni Barako Bull coach Bong Ramos.
Ingon ni Ramos nga iyang gikalipay nga nakakuha silag import nga makahimo sa tanang position nga bisan tuod og wa pay duha ka semana gikan sa pag-abot niini dako na kaayo kini og mahimo sa outside ug inside nga opensa.
“He (Dollard) remembers the plays, but sometimes, he’s just confused because we have a lot of options. Eh he’s not used to that so what I told him, ‘If you forget the play, don’t stop,’” matod ni Ramos.
Si Jeff Chan, Paul Lee ug ang bigman nga si Beua Belga mi-rali na unta alang sa Painters, 106-108, apan nakuwangan lang kini sa oras ug ang duha ka free throws ni Willie Wilson sa katapusang 2.6 puntos maoy nagselyo sa kadaougan. (JBM)