ANDAM na ang tanan alang sa Vital C Fun Run 2014 "Run for your Health", usa ka lima ka kilometro nga panagtigi sa Abril 27, alas 4 sa kadlawon nga magsugod gikan McDonald's Bajada hangtud Vital C office sa Sobreycarey Street.
Gipahayag ni Vital C depot manager Al Obenza nga ang maong kalihukan usa ka 'for a cause' diin ang tanan matigom ihatag ngadto kang baby Chiko Villaver Gumban, 4 bulan nga bata nga dunay Biliary atresia, usa ka sakit sa atay nga makaapekto sa bag-ong gipanganak.
"Baby Chiko’s condition and those who have Biliary Atresia is not easy because the tubes or bile ducts that carry bile within the liver to the gut or intestine are affected. The bile ducts are damaged or missing in biliary atresia," ni Obenza.
Dugang niya, si baby Chiko nahuman na sa Kasai procedure alang sa Biliary Atresia apan nagkinahanglan pa siya og P4-5 milyon alang sa liver transplant, "It was just two months ago that baby Chiko’s mother approached us about the baby's condition and for us to help, we decided to give the proceeds of the event to the baby."
Alang sa gusto motabang, magparehistro sa kantidad nga P300 lakip ang singlet ug Vital C blisters.
Ang tulo manguna makadawat og produkto sa Vital C.
Ang magkampeyon mouli og P 10,000 kantidad nga produkto sa Vital C samtang P 8,000 ug P 3,000 alang sa sunod nga duha ka puwesto.
Sa pagparehistro, tawag sa numerong 0943-327-7571 o bisita sa Vital C Health Products Facebook page. (MSR)