San Mig nakabawos

NAKAIPSOT ang San Mig Coffee sa uwahing rally sa Petron Blazers aron kuliton ang 100-93 nga kadaugan sa Game 2 nga maoy nagtabla sa best-of-seven finals series sa PBA Governor’s Cup sa Araneta Coliseum.

Diha na gyud unta sa haruhay ug way kulba nga kadaugan ang Coffee Mixers human kini per­ming nakaposte og kapin sa diyes puntos apan sa naghinapos nga mga segundos, sila si Chris Lutz ug Ronald Tubid mipabuto og tres samtang miabag usab kanila ang ilang import nga si Elijah Millsap nga naghatag og hulga sa San Mig.

Apan ang upat ka sunodsunod nga free throws ni Peter Jun Simon maoy naghaw-as ug nagsalbar sa San Mig Coffee ngadto sa kadaugan nga maoy nagtabla sa series, 1-1.

Ang Game 3 gikatakda karong Miyerkules adto gihapon sa Araneta Coliseum.

“We finally knew how hard we had to play to beat this team,” matod ni San Mig coach Tim Cone human sa duwa.

Ang best import awardee nga si Marqus Blakely solidong naka­duwa ug mipakatap kini og 23 puntos, 17 ka rebounds, unom ka assists ug upat ka steals samtang si James Yap na­ngulo usab sa mga lokals nga may 17 puntos, walo ka rebounds ug tulo ka assists.

Si Millsap, human sa iyang triple-double sa Game One, nangulo sa Blazers nga may 31 puntos ug 10 ka rebounds apan na fouled out kini bisan pa man og tres mi­nutos pa ang nahabilin sa duwa.

Si Arwind Santos, ang Best Player of the Confe­rence, igo lang nakapakli og kuwatro puntos, duha ka assist, usa ka block ug usa ka rebound sulod sa 27 minutos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph