SCSIT vs. Ave Maria sa CBA finals

NAANGKON sa Salazar College of Science Institute and Technology (SCSIT) Skyblazers ang ikaduha ug katapusang luna sa finals human nila gipangpukan ang kuwangan og tawo nga Talisay cagers, 92-88, sa miaging gabii sa M.Lhuillier Kwarta Padala-Cebu Basketball Association (CBA) semi-final round sa Cebu Coliseum.

Nagpauwan og pito ka three-point shots si ex-PBA Stephen Padilla sa iyang pagmugna og 25 puntos aron pangulohan ang kadaugan.

Wala sab gyu’y angayang ikauwaw ang Talisay sa maong kapildihan kay nakahatag gyud sila og saktong kombati bisan lima ra sa ilang mga magduduwa ang nakatunga.

Naglabaw og pito ka puntos ang Skyblazers sa pagsugod sa 4th quarter apan ninggukod ang Talisay ug nakasikit ra kini pagbalik.

Hinuon sa ngadto-ngadto, niepekto ra gyud ang bintaha sa Skyblazers ug nahutdan og lahutay ang Talisay sa hinapos nga bahin.

Ang Skyblazers makigharong sa Ave Maria Sanctuary Park alang sa finals samtang ang Talisay makigsangka sa Asian College of Technology (ACT) Cyber Knights alang sa inilugay sa ikatulong dapit.

Puntos kada usa:

SCSIT (92)- Padilla 25, Torion 14, Isidro 12, Abadia 12, Guangco 11, Daculan 7, Labares 6, Garcia 3, Rabaga 2.

Talisay (88)- Lusdoc 27, Belande 22, Malinao 20, Colegado 12, Monaco 7.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph