Sekyu ug 5 konsabong kawatan gipriso

COMVAL PROVINCE -- Unom ka mga lalaki ang gidala sa istasyon sa kapulisan lakip ang security personnel human nga nasakpang nangawat og gold ore sulod sa minahan sa Barangay Elizalde, lungsod sa Maco.

Mga dinakpan mao sila Roberto Fernandez, 43, Roldan Mangubat, 27, Boyet Tumampos, 23, Jovanie Badarat, 41, Maximo Undoy, 18, pulos molupyo sa lungsod sa Maco, ug Ruben Calunsag, 19, nga taga Barangay Andili, lungsod sa Mawab.

Nasayran gikan sa spot report sa Compostela Valley Provincial Police Office, ang security personnel sa Apex Mining Company Inc. nga gipangulohan ni Dominic Lobo, company security supervisor, miabot sa presinto sa kapulisan aron pormal nga itunol ang mga suspek lakip si AMCI security personnel Rhoderick Erickon kinsa midawat og kwarta gikan sa mga suspek.

Giingon nga nagsilbing kontak sa mga suspek ang sekyu sa ilegal nga transaksyon.

Ang unom ka mga dinakpan naaktuhang nagpalusot 160 ka mga sako sa gold ore nga gituohang gipanag-ioyahan sa AMCI, gisakay sa pampasaherong dyip nga dunay plate number LWA 960, alas 11 sa gabii niadtong Martes.

Ang dinakpan lakip ang nasakmit nga mga ebidensya anaa karon sa kustodiya sa kapulisan sa Maco. (Dexter T. Visitacion)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph