Shoot-to-kill gimando ni Duterte

GIBUTYAG ni Davao City Mayor Rodrigo Duterte nga iyang nang gimanduan ang kapulisan nga ipatuman ang shoot-to-kill ngadto sa mga tawo nga nagtago sa nahibiling cocaine panahon nga ilang ipayuhot dinhi sa siyudad.

Ang pahayag ni Duterte miguwa dihang gipangutana sa iyang program co-host, Atty. Geraldine Tiu, kon unsay iyang pahayag labot sa nahibiling walo ka baritang cocaine nga wa mauli.

"Oras nga mogawas na ug ila nang gamiton, ipagamit ngari -- they become a drug lord because of the volume," pahayag ni Duterte sa iyang programang Gikan sa Masa, Para sa Masa kagahapon sa buntag.

Una nang gisulti sa mayor, human nakuha ang 24 ka barita nga cocaine sa Sumifru Wharf niadtong Marso 22 sa gabii, nga way daghang pangutana nga himuon sa pulis ngadto sa mga tawo nga daling mouli sa nahibiling cocaine.

Pagkasunod adlaw, human namahayag niini ang mayor, gitunol sab dayon sa mga personahe sa Sumifru ang 27 ka baritang cocaine nga ilang nakit-an sud sa container van.

Nasundan pa kini sa laing duha ka barita, dayon tulo ug usa kagahapon nga gisurender ngadto sa kapulisan.

Sanglit 64 ka barita ang cocaine base sa hulmahan nga gibutangan niini sud sa container van, duna pay nahibilin nga walo ka barita mao nga naniid niini ang kapulisan.

"Naa koy shoot–to–kill order especially if they put up a violent fight, they resist arrest, unya violent ilang pamaagi," sulti sa mayor.

Bisan si Davao City Police Office director Sr. Supt. Vicente Danao, Jr. nagbahad sa mga nagtago sa cocaine nga dunay mahitabo kanila kon ipayuhot dinhi ang cocaine.

“I’m telling you, hijo, hindi mo maibebenta yang droga na yan. Just a warning sayo kung sino ka man. We’re giving you time na ibalik yang drugs na yan. Hindi mo maibebenta yan. Swerte na kung may mabebenta kang isang kilo diyan. Napakaliit ng Davao para maibenta mo yan. Kung maibenta mo man yan sa ibang lugar, swerte ka. If that will be found in your possession, selling that drugs, sisiguraduhin ko may paglalagyan ka,” sulti ni Danao nga napatik na sa Superbalita.

Gawas sa DCPO, hugot nga naniid sab niini ang Philippine Drug Enforcement Agency (Pdea) Region 11.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph