Sikad driver giluba 5 ka higayon

LIMA ka samad ang naangkon sa usa ka sikad drayber human giluba samtang natulog niadtong Huwebes mga alas 11:30 sa gabii sa Block 16, Villa Candida, Bulua ning siyudad sa Cagayan de Oro.

Ang biktima naila nga mao si Ifraim Diolan, 52, minyo ug residente sa Block 7, Villa Candida, Bulua ning siyudad.

Subay sa anak sa biktima ngadto sa Sun.Star Superbalita nga mao si Jeffrey Diolan, 31, minyo nga natulog lamang ang iyang amahan ug kalit kini nga giduol sa suspetsado nga naila nga mao si Noel Timpo, minyo ug residente likod nga bahin sa OR Sun flower, Villa Candida Subdivision ning siyudad subay na usab sa mga nakasaksi ug gidunggab sa makadaghang higayon ginamit ang kutsilyo.

Matud pa usab sa biktima nga nakatulog lamang kini sa iyang sikad kay lage medyo naka-inom kini ug mao na lamang ang namat-an ang kasakit sa pagdunggab kaniya ug maayo na lamang kay nakadagan kini.

Nakaangkon ang biktima og lima ka samad dinunggaban sa iyang wala nga bahin sa paa hinungdan nga dali kining gidala sa balay tambalanan ning siyudad.

Sa pagsulat niini nga balita, padayon pa nga nagpaalim sa Northern Mindanao Medical Center ang biktima samtang ang suspetsado ang pabilin pa usab nag gawasnon hangtod karong mga panahona

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph