Soba giatbangag pulongpulong

MALAMPUSON nga gipahigayon sa Barangay Paril, dakbayan sa Sugbo ang State of the Barangay Address (SOBA) uban sa laing mga barangay sa dakbayan human niawhag ang Department of Interior and Local Government (DILG) sa tinuig nga panagtapok sa katawhan.

Apan, wala mahiusa ang tanang katawhan sa Paril sanglit gawas sa SOBA ang kanhi kapitan ug maoy moatbang ni Kapitan Melchor Escabarte nihimo sa iyang kaugalingong pulongpulong didto sa iyang balay kagahapon.

Si Casimero Pilones, kanhi kapitan, uban sa iyang pito ka kandidato pagka konsehal nitapok sa iyang mga tigpaluyo gikan sa pito ka mga sit­yo aron ipaabot ang ilang mga programa sa barangay.

Bisan pa sa pagkabuwag sa mga tawo, gihikyad gihapon sa grupo ni Escabarte nga gilangkuban sa upat ka mga incumbent nga konsehal ang ilang mga nahimo ug ang kahimtang sa barangay atubangan sa dul-an 300 ka mga residente.

Ilang gipakita sa katawhan ang ilang mga proyekto sama sa road concreting, patubig sa barangay, renovation sa sports complex diin ilang gipasalamatan ang Cebu City Government pinaagi ni Mayor Michael Rama gumikan sa ilang proyekto nga nadawat.

Ang Sun.Star Superbalita nisuway og kuha sa habig ni Pilones kon nganong ilang gitumong ang ilang pulongpulong diin ilang gipanghakot ang mga tawo apan wa

mokomentaryo ang kanhi kapitan.

Sukad niadtong 2010, dul-an na sa P30 milyones nga proyekto ang napahimuslan sa mga molupyo sa Paril sukad sa pag-asumir ni Rama isip mayor. 

Bisan kon pulos wa pa makasang-at sa ilang kandidatura ang mga gustong magpapili apan ang mga supporter lunod-patay nga nidapig sa ilang mga kandidato.

Ang Team Escabarte kaalyado ni Rama samtang ang grupo ni Pilones kaalyado ni kanhi kongresista Tomas Osmeña.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph