Sundalo miapil sa Brigada Eskwela 2013

ANG 4th Infantry “Diamond” Division (ID) nilambigit sa nasudnon nga Brigada Eskwela 2013 sa Department of Education (DepEd) sulod sa ilang area.

Ang Brigada Eskwela naila sab nga National Schools Maintenance Week, diin kini nga kalihokan usa ka tinuig na programa sa DepEd sa pagpanglimpyo sa mga tunghaan matag Mayo 20 ngadto sa 25.

Tumong sa maong kalihokan ang pag-andam sa mga tunghaan alang sa pagbukas sa klase sa bulan sa Hunyo.

Nanawagan ang DepEd sa tanang buhatan sa gobiyerno ug non-government agency ingon man ang mga ginikanan ug pribadong mga buhatan pagpanglimpyo sa mga tunghaan nga naka-assigned alang kanila.

Sumala sa gihangyo sa kadagkoan sa mga tunghaan, ang maintenance naglakip sa pag-ayo ug pagpintal sa school building.

Ang 4th ID kinsa naila nga tig-abag sa kalinaw ug kalamboan, nagpadala ug mga personahe sa nagkalain-laing publikong tunghaan sulod ning siyudad sa Cagayan de Oro. Si Captain Invinzor O. Meneses, ang executive officer, 4th Civil-Military Operation “Kasaligan” Battalion ang nangulo sa Diamond Troopers.

Samtang ang 4ID field unit nilambigit usab sa susamang kalihokan sa ilang area sa operasyon.

u201cThis activity gave the Army the opportunity to showcase our mandate in the Internal Peace Security Plan Bayanihan. Being a partner of other agencies for development, we take part in this endeavour in building better education," matud ni Brigadier General Ricardo Visaya, General officer-in-charge, 4th ID.

Samtang gibutyag ni Major Leo Bongosia, 4th ID spokesperson nga, “Joining DepEd’s Brigada Eskwela is a way providing more conducive places for learning and healthy environment for our children.” (PIA)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph