Sun.Star 'most supportive' newspaper -- DSWD

ANG Sun.Star Davao Publishing Inc. giila isip Most Supportive Newspaper, usa sa Panata Ko sa Bayan Awardees nga kabahin sa ika-62 nga anibersaryo sa Department of Social Welfare and Development (DSWD) dinhi sa siyudad.

Ang programa gihimo Biyernes sa hapon sa buhatan sa DSWD-Davao Region.

Ang pasidungog gihimo isip pasalamat sa ahensiya sa tanang indibidwal, grupo nga nahimong kabahin sa pagpatuman ug pagpa-ambit sa nagkadaiyang programa sa ahensiya.

Si Sun.Star Davao editor Charles Maxey nagrepresenta sa kompanya, sa iyang pagdawat sa plaque of recognition gikan sa Department of Social Welfare and Development (DSWD) nga nag-ila isip Most Supportive Newspaper atol sa 62nd Founding Anniversary sa DSWD kagahapon didto sa ilang buhatan. (King Rodriguez)

Ang rekognasyon alang sa buhatan gidawat ni Charles Maxey, editor sa Sun.Star Davao.

Luyo sa Sun.Star Davao, nahimo sab nga kabahin sa Panata Ko sa Bayan Awardees sila Alro S. Paglinawan, abogado; Dr. Calixto S. Esparagosa; ug Dr. Phillip Lim nga mihatag sa ilang serbisyo sa nagkadaiyang aspeto.

Gipasidunggan sab ang Munisipalidad sa Compostela Valley isip Best Local Government Unit.

Apil sab ang Children's Joy Foundation Inc.; Kalipunan ng Liping Pilipina, Kiblawan, Davao del Sur; Magsaysay Association of Persons with Disabilities, Davao del Sur; Federation of Senior Citizens Association Calinan District, Davao City; San Antonio Mountaineers SEA-K Association nga maoy Best SEA-K Association; GMA Network Davao nga maoy Most Supportive TV Station; DXRP Radyo ng Bayan nga maoy Most Supportive Radio Station ug Ma. Fe Alino, nga Most Supportive Radio Reporter.

Luyo sa mga nahisgutan, gipaambit sab sa ahensiya ang pasalamat sa mga partners nila nga miabag atol sa Typhoon Pablo Operation.

"To all our partners, thank you to your ideas, negative or positive, we will always remember the camaraderie we had," ni Ma. Villa Gil, assistant regional director for operations sa DSWD.

Ubay-ubay sab ka mga empleyado sa buhatan ang gipasidunggan isip 2012 DSWD XI Outstanding Employees.

Duna say 37 ka DSWD workers nga nagsilbi sud sa 10, 15, 25, 30 ug 35 ka tuig ang makadawat og Loyalty award gikan sa departamento.

Ang Keynote speaker sa Awards Ceremonies mao si Regional Director Joffrey M. Suyao sa Department of Labor and Employment. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph