Suspek sa masaker padayong gilutos

GIPALAPDAN pa ang paglutos sa mga otoridad sa mga nahabilin nga pinangita nga suspek sa masaker sa Maguindanao niadtong 2009.

Kini maoy gibutyag ni Philippine National Police-Socsksargen Director Chief Superintendent Benjardi Mantele human nga nasikpaw si Kamper Silongan, alyas Jun, nga dunay patong sa ulo nga P250 mil.

Gikanayon ni Mantele nga nadakpan ang suspek didto sa Queen Tuna Park sa siyudad sa General Santos.

Sa pagkasikop kang Silongan, miabot na sa 90 ka mga suspek ang nadetiner ug laing 100 pa ang padayong gipangita. Nadakpan ang mga suspek didto sa Sarangani Province, Cotabato, Maguindanao ug uban pang mga lugar sa Socsksargen.

Puntirya karon sa gipalapad nga operasyon sa militar ug kapulisan ang mga utlanan sa Maguindanao, North Cotabato ug Sultan Kudarat nga giingong gilubluban sa uban pang mga suspek nga nalambigit sa masaker.

Lakip sa gipangita ang mga sakop sa Private Armed Groups sa pamilyang Ampatuan, pangulohan ni Banahrin Ampatuan, nga una nang gitumbok nga nagtago sulod sa Liguasan Marsh. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph