Suspek sa pagpatay sikpaw

DAVAO OCCIDENTAL -- Nasikop na sa kapulisan ang usa ka lalaking pinangita sa balaod gumikan sa kasong pagpatay didto sa Barangay Tukal, lungsod sa Sarangani ning probinsiya.

Gisilbi sa kapulisan ang orden de aresto batok sa suspek sa alas 7:45 sa buntag kagahapon.

Ang suspek nailhan nga si Omrino Oyao Paña, 45, minyo ug mananagat sa lugar.

Nasiplatan ang suspek didto sa Barangay Mabila hinungdan nga daling giposasan.

Ang warrant of arrest sa suspek giisyu ni Regional Trial Court Branch 20 Presiding Judge Magnolia Velez tungod sakasong pagpatay nga nakadoket sa criminal case number 308(2014).

Sa kasamtangan, anaa na sa kustodiya sa kapulisan ang dinakpan samtang gihuwat ang mosunod nga mando sa korte. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph