SWU gipatapsingan sa USP sa G#1

Mga duwa karon:

5:00 pm- San Marino/SWU batok Rose Aquarius/USPF (For 3rd)

6:30 pm- Gaisano Capital/UC batok Lion Tiger/UV (Finals)

NAKALINGKAWAS ang Rose Aquarius Merchandising/USPF Panthers sa pagpanghudlat sa San Marino Corned Tuna/SWU Cobras sa hinapos nga bahin aron iposte ang 76-70 nga kadaugan sa Game 1 kagahapon sa best-of-three 3rd place series sa CESAFI 2011 Partner’s Cup sa Cebu Coliseum.

Kontrolado gyud kaayo sa Panthers ang kombati sa sayong bahin ug nakaposte pa sila og 43-28 nga labaw sa halftime sa pagpangulo nila ni Fritz Dajalos ug Joseph Sedurifa.

Apan sa 4th quarter, puwerteng pagkausab sa dagan sa estorya. Ang opensa sa Cobras ningkamang og kusog ug ningmugna kini’g 13-2 nga rally nga gibuwakan sa duha ka three-point shots nila ni Bong Guillena ug Eleazar Armecin aron ilugon ang labaw, 65-64, sa nahabiling 5:33 minutos.

Tayming lang sab gyud nga nahigmata ra dayon ang Panthers gikan sa pagkahinanok ug mibawos sila og 10-3 run aron pagposte og 74-68 nga labaw sa nahabiling 59 segundos.

Wala na nakabawi ang Cobras human niadto.

Ning pagsuwat, padayon pang nagsangka sa main game ang Gaisano Capital/UC Webmasters ug Lion Tiger Aerosol/UV Green Lancers sa Game 1 sa finals best-of-five series.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph