Taiwanese sa siyudad protektahan ni Duterte

LUYO sa pagpangayog pasaylo, si Mayor-elect Rodrigo Duterte mihatag ug kasiguruhan kang Taipei Mayor Hau Lung-bin nga ang Taiwanese dinhi sa siyudad ma-protektahan gikan sa pagpasipala, luyo sa insidente nga duha ka Pinoy ang gitabangan og kulata sa mga Taiwanese sa ilang nasud.

Sa report sa The China Post ni Lauly Li, si Duterte miangkon nga nagka-istoryahanay sila sa telepono ni Hau, diin nangayo siyag dispensa sa kamatayon sa mananagat nga Taiwanese.

"According to high-level Taipei City Government sources, Duterte called Hau through the Taipei Economic and Cultural Office in the Philippines, and apologized on behalf of Davao City to Taiwan," sigun sa report.

Si Duterte nagyagyag sa maong pakig-istorya kang Hau sa pipila ka journalists.

Mihangyo kini nga ihilum lamang ang impormasyon, apan ang istorya mibandera didto sa Taiwan.

Pung ni Duterte nga nagkauyon sila ni Hau nga protektahan ang mga Taiwanese ug Pinoy sa nagkadaiya nilang siyudad, luyo sa kusog nga pagkondena sa mga Taiwan sa kamatayon sa maong mananagat.

Wala na gisulti ni Duterte nga kun gisultihan ba niya si Hau nga ang Philippine Coast Guard personnel arestuhon ba subay sa sa report sa China Post.

Gidugang sa mayor nga giimbitahan siya ni Hau ngadto Taiwan aron hisgutan ang isyu ug uban pang butang.

Agosto sa nakalabay nga tuig, si Duterte miduaw sa Taiwan aron pakigkitaan ang mga tag-as nga opisyal sa Taiwan's Criminal Investigation Bureau.

Sigun ni Duterte nga nag-unang katuyuan sa iyang pagtawag sa mayor sa Taipei mao ang pagsiguro nga ma-protektahan ang mga Pinoy didto.

Dugang sa opisyal nga di niya buot manghilabot nga manghilabot kun giunsa man paghupot sa Philippine government ang isyu tali Taiwan. (BOT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph