Talk to Papa Joe: Biktima sa text

DEAR Papa Joe,

Ako si Meril nga taga Negros ug naa ko sa Cebu ron nag work. 18 na ko . Ang akong suliran bahin sa akong ka textmate for two months. Nagkita mi ani niya ug nanglakaw mi hangtod niabot sa inom kuyog ang iyang mga clanmates. Iya kong gidala sa laing lugar na wa ko masuweto basta padong to siya sa north. Wala na man ko kapalag kay medyo nahubog ko ug wala koy masakyan ato panahuna og uli.

Didto nihinayhinay siya og panamastamas nako ug nahitabo gyud ang di angay mahitabo apan pagkahuman ato niingon siya nga panagutan niya ang iyang gibuhat. Nadala lang daw siya sa inom. Maong okay ra among relasyon ato apan pag-abot og usa ka buwan akong nahibaw-an nga mabdos ko. Ako siyang giingnan bahin niini apan kalit lang di na nako siya ma contact. Maong karon naglibog na ko unsaon nako pagpahibawo sa akong amo, labi na sa akong mga ginikanan.

Magduha na ni ka buwan karon. Nagplano ko nga ipakuha na lang para matapos na. Ngano kaha nga naay tawo nga pareha niya, Papa Joe no? Walay balatian, ug mapahimuslanon.

Unsaon kaha nako para manubag siya sa akong gisabak?

MERIL

Day Meril,

Una sa tanan, maayong adlaw kanimo ug imo gyud ko gihatagan og problema pagtarong sa jejemon nimong suwat. Hahaha? Bitaw. Day, kanang imong suliran ron common na kaayo na sa mga tawo nga sa text text mangitag kapares kay mostly kalingawan ra. Maayo gani wala ka mahisugamak sama sa panghitabo sa una nga ka textmate gipatay.

Pait tuod kay nagbunga apan kana tinuyoan man gihapon. Nganong magpataka man og kuyog sa mga dili kaila gyud? Bisan two months pa mong kaila sa phone, apan tan-awa, wala gani kay impormasyon kabahin sa iyang personalidad. Ang maayo siguro e check nimo imong cell phone ug tan awa naa bay kaila niya sa mga clanmate ninyo and if naa, try kuno duol og abogado kay 18 pa man ka. Basin naay mapasaka nimo nga kaso para motagam nang mga tawo nga ingon ana.

Sa tanang nakabasa ron mahimo unta nga leksyon ninyo ang dili pagsalig sa textmate lang. Well, naay uban ni work no? Apan di gihapon ni assurance, risgo gyud. Daghang salamat.

PAPA JOE

(para sa inyong tampo ipadala lang sa papajoelon@ hotmail.ph o sa joelonrt@hotmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph