Talk to Papa Joe: Na guilty

DEAR Papa Joe,

Ako diay si Bert. Nia sa gawas sa nasod nag-work. Ang a­­kong suliran di about sa

lovelife pero medyo naay kalambigitan.

Duna koy bestfriend diha sa Pilipinas. Dugay na kaayo na­ko ni nga suod nga amigo pero nagkalagyo mi tungod sa akong work. Sa taas nga higayon nga naa ko diri, dili na sad ka ingon ana ka permi among communication. Karon naka relasyon ko diri ug ako ang

nagtabang sa pamilya sa akong uyab diri ug halos hurothurot akong sweldo.

Nag-message ang asawa sa akong amigo nga nasakit daw akong bestfriend ug nagkinahanglan og kwarta para sa ospital. Akong gibalibaran kay akong giingnan nga wala koy kwarta. Pero sa tinuod naa gud pero gitagana nako sa suporta sa akong uyab kay sa tinuod maorag gipalit ra nako iyang gugma bugti sa pagtabang nako sa iyang family.

Sige-sige na ang message sa asawa sa akong bestfriend ug balibad sad ko kay akong rason lisod ang kinabuhi sa gawas. Hangtod nga nabasahan na lang nako sa Facebook nga namatay na diay akong bestfriend kay wa ka pahospital. Didto gikumot akong kasingkasing sa guilt nga wa ko makatabang. Hangtod karon uwaw kaayo ko sa akong kaugalingon sa pagbiya nako sa akong amigo sa oras sa kalisod. Mauwaw sad ko molimos sa asawa niya basin moingon unsa pay gamit ning kwartaha. Mao na nga magpatambag ko.

BERT

rBert,

Yes, nakonsensya ka kay luyo sa tanan, nakahibawo ka sa tinuod nimong rason nganong wa ka makatabang niya. Mao na nga guilty ka. Pero siguro sa pangdungog sa asawa sa imong amigo sa imong rason, I think balido kay kon wa pa, gayawyaw na to sa FB.

Dili pa man sad ulahi ang tanan kon gusto ka makabawi. Dili man sad nato magunitan ang oras sa tawo ning kalibutana kanus-a kutob. Ang maayo nimong buhaton mao ang pagtabang sa iyang pamilya kutob sa imong maabot. Ulahi na ang tanan pero dili ulahi ang pagsugod og lain.

Next time, kon unsay rason, klaruha na lang at least masabtan ka ug at least tinuod.

Usahay di sad ta makamahay sa thinking sa mga OFW kay sayon ra man sad ang pagpangayo sa uban nga pweding abusahan. Pero mas maayo gyud nga klaruhon para walay mahay. Salamat.

PAPA JOE

(sa inyong tampo ipadala lang sa papajoelon@hotmail.ph)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph