Talk to Papa Joe: Nahilabtan

DEAR Papa Joe,

Tawga lang sad ko sa ngalan nga Brenda. I am 23 years old, taga Mandaue. Usa na ko ka secretary karon sa usa ka company ug kaslunon na karong sunod tuig sa usa ka buotan ug professional nga lalake na akong na-meet 3 years ago sa dihang nangaplay ko.

Wa gyud koy problema niya isip uyab nako ug sulod sa among relasyon wala gyud mahitabo nga nihagad siya nako og sex. Kutob ra gyud agbay, gakos ug kiss kay gusto niya nga makit-an nako ang respito niya. Mao kiniy nakapahugyaw ron sa akong kinabuhi.

Sa gamay pa ko nahinumduman na ko mga 9-an­yos pa ko adto, nanagduwa mi sa among silingan nga lalake og balay balay. Sa wa damha nag sex mi. Mao na ni akong problema ron kay basin dili na ko virgin ug mausab na hinuon siya nako. Naglibog ko unsaon nako pagsulti niya pero wala sad ko ka sure if di na ba ko virgin or virgin pa kay wala may bleeding ato sa akong nahinumduman. Unsaon kaha para ma-determine nga ulay pa ko?

Palihug ko og tambag kay galibug na ko karon nga nagkaduol na among kasal. Daghang salamat.

BRENDA

Brenda,

Siguro mas maayo nga tug-anan nimo siya kay kon tinuod pa siyang buotan, makasabot ra siya nimo kay mga bata pa mo atong panahuna ug wala pay buot sa maong butang. Siguro, isip lalake malain na kadiyot apan kon mapasabot na nimo pag-ayo, everything will turn out fine.

What if ulay pa diay ka? Di ba? Usa pod, mas maayo siguro nga kamong duha after nimo siya masultihan nga magkuyog sa pag-adto sa usa ka doctor o gynecologist para matin-awan ka tanan kay wa man kaha ka mag bleeding that time. So pro­bably, no penetration happened.

If ang guy nahigugma nimo pag-ayo, di na rason nga mausab siya nimo kay wala na ka magpuyo sa imong kagahapon. Kana lang ug salamat.

PAPA JOE

(sa inyong tampo ipadala lang sa papajoelon@hotmail.ph o joelonrt@hotmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph