DEAR Papa Joe,
Ako diay si Iasac, lumad nga taga Mindanao, nagtrabaho isip usa ka team leader sa call center. Kining akong problema di gyud ni totally nga ako ang apektado pero ako ang nahasol tungod sa guilt nga akong gidala-dala. Di lang kay ako, kon di hasta pud ang ubang agents nga under nako.
Last year, naa miy usa ka babaye nga na-hire nga arangan og hitsura ug bata pa. Tungod kay kwalipikado man, among nadawat. Days after niya nadawat, dunay may niambak sa among center nga taga laing kompaniya ug noted nga maayo nga agent, akong gidawat. Karon after pila ka months, naa nay mga istorya nga ang babaye ug katong noted nga agent dunay relasyon ug amo gyud nga napamatud-an ug gibadlong nga undangon pero di kaundang ang babaye kay in love siya. Mao nga among gitambagan one has to go. Diha-diha dayon ni quit siya. So, okey na ang dagan sa among team.
Karon nahibaw-an man namo nga sige pa diay sila sa gawas ug niabot ang time nga nagsigi na og panawag ang misis sa lalaki namo ug wa pa gyud matagbaw niadto sa office ug nidanguyngoy kay wa na kunoy uli uli ang iyang bana. Nihangyo siya nga kon nakaila mi sa iyang kabit, amo siyang sultihan kay hangyuon niya nga buwagan iyang bana kay may mga anak sila.
Ako siyang giingnan nga mangita mig pamaagi nga mahibaw-an namo pero hangtud karon wa nako sultihi bisan nga nakonsensya na ko. Unsay akong buhaton?
Iasac
*****
Iasac,
Kana maorag out na sa scoop sa imong jurisdiction kay domestic problem man na. Gawas lang kon nag-eskandalo sa work premises ninyo, pwede ka mo interfere. Ang imo ra gyung mabuhat diha nga tambagan nimo imong tawo kay immoral na ang iyang gibuhat. Though sa gawas na ang ilang relasyon, ingna siya nga basin counter-productive na hinuon na niya.
Pero as long as ni-deliver siya sa iyang work, lisod mosagbat kay again, personal na niya. Gawas ta to kon naa pa ang babaye ga-work diha kay naa gyud na sa policy sa company ug naa nay infraction. Kon moanha man usab ang asawa, tambagi lang sad nga mas maayo nga panid-an niya mismo ang iyang bana kay basin di mao ang mahatag ninyong impormasyon. Mao lagi, personal na nila na problem na sila lang ang involve. Kana lang ug salamat.
Papa Joe
(sa inyong tampo ipadala lang sa papajoelon@hotmail.ph)