Talk to Papa Joe: Subdivision na sab?

DEAR Papa Joe,

Ako si Gwen, 47 anyos ug may pamilya na. Pero ang akong suliran di mahitungod sa gugma, kon di sa sitwasyon. Nakakuha ko og unit sa usa ka subdivision sa Lapu- Lapu nga mao ra say makaya namo. Naingganyo mi tungod sa maayong pagdani sa ahente namo diha sa usa ka mall kaniadto.

Mag two years na mi nangistar diri, pero mao ni akong problema. Kay wa man nako o namo makit-i ang mga pasalig sa ahente nga maayo ang among lugar kay puno sa amenities. Abi gyud namo ala village ang dating kay ang mga silingan nga subdivision nga susama ra sa amo ang pamorma, hapsay man. Diri sa amo maglisod na mi og pasulod sa taxi nga among sakyan, labi na kon maabtan og alas 9 sa gabii kay mag double parking ang uban.

Ang nakapait pa gyud sa among pwesto kay ang among tupad naninda og barbeque nga gawas nga saba kon nay mga customer, ang aso mosulod pa sa amoa ug mamilit ang baho sa hinayhay o kaha sa kurtina. May asosasyon man kuno ni pero wala ko masayod si kinsa sila kay lain lain man ang moduol sa amo magpatawag og meeting. Mao ni ang akong suliran karon. Palihug tambagi ko.

GWEN

Gwen,

Daghan ang nakasinati og ingon ana ug di lang ikaw ang nakasulat nako ani. Bisan pa sa akong programa sa radio manawag gani. Sa akong duda, basin pareho ta og gipuy-an kay halos pare-pareha ang atong nasinati mao nga sa amo sa una, ako ang nangusug. Pero wala man say mga suporta. Ang mga homeowners maayo lang sa reklamo. Kon naa say association, wala sab respituha sa uban kay wala makaila. Mao bitaw nga sa amo, wala na ko mag-apil-apil. Mao ra gihapon.

Ubanay pa unta, ang mga developer makig-alayon sa mga tawo kay sa akong pamasin, mas taas og respito ang mga homeowner, nila labi na wala pay proper turnover. Iapil unta na nila sa ilang orientation sa mga bag-ong nakakuhag unit para mailhan ug marespitahan.

Sa akong tan-aw, kon ang Housing and Land Use Rgulatory Board ang hisgutan, mag- agad ra sad na sa asosasyon ug bahin sa ahente? Aw, diskarte sab na sa uban. Suwayi lang ninyo og duol ang developer .

PAPA JOE

(sa inyong tampo ipadala sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph