Talk to Papa Joe: Unsa ni nga modus?

DEAR Papa Joe,

Good day nimo diha. Tawga lang ko sa ngang Chris. Naa lang koy gusto mahibaw-an kon naa ba gyud ning mga custo­mer scammer karon kay one time, akong mama naay gipalit sa usa ka establisemento diri sa Sugbo. Sa pagsuroy niya, naay salesman nga ni duol ug nagpabunot niya og mga envelope. Basin daw makataghap mo daog siya. Nibunot sad akong mama.

Pagbunot niya nakadaog daw siya og P2,000 gift check unya gikaestorya niya ang tanan sulod sa opisina sa establisemento. Apil pud daw sa laing branch nila. Uya sa pagka karon, gipakita niya ang iya daw nadaugan nga premyo. Chair massager ug ener­gy cooker. Di daw to niya ma-claim unless siya mobayad og P57,000. Unya wa ka katuo pag-estorya sa akong mama. Akong gi-search sa Internet. Unya daghan kaayo og post mga Cebuano ra gihapon nga ilad ra daw ni sila.

Tabangi ko, Papa Joe, kay akong mama ganahan ra ba gyud mo bayad kay kuhaon niya ang product nga made in Japan jud daw to. Salamat ug more power!

CHRIS

Hi Chris,

Yes, naa gyuy mga ingon ana nga style sa pagbaligya sa produkto just to entice people nga makakita sa ilang product. One time sa Colon nisud sad ko og tindahan unya naay niduol nako ug gihatagan ko og ballpens ug set sa mga nindot nga kutsilyo na di daw mahabol. So, naka ingon ko nga “tinuod na imong gisulod sa akong plastic, Day?”

Ug niingon siya, “yes” pero bayran lang og katunga ang kutsilyo. Apan kon di daw ko, madala ra nako ang ballpen. So, ako nalang gidawat ang ballpen though enticing kaayo ang product. But it does not gua­rantee nga di to mahabol. Mao gyud to ang exact presyo ato. Basin gi-times two daan para ang katunga bayad na. Hahahaha!

Bitaw ayaw pailad ana if tan-aw nimo di worth it kanang P2,000 worth nga gift check.

Gamay ra na i-compare sa ginansya sa massage chair. Ang P57,000 daghan pa mo mapalit sad ana nga worth it. Di pa na nimo mahurot sa tulo ka tuig siguro nga pamasahe sa masahista. Wa pay kasiguraduhan if maabatan ba nag 3 years ang chair. Hahaha!

Bitaw pasabta lang mama nimo apan kon iyang kwarta well iya nang pagbuot. Sa tanan no, ayaw tawon mo pada dayon if di mo suhito sa butang para walay mahay. Sa mga tag iya sa mall, i-check sad daw ni basin mao ra niy makadaot sa inyong ngalan. Daghang salamat.

PAPA JOE

( sa inyong tampo ipadala lang sa papajoelon@hotmail.ph 0 joelonrt@hotmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph