Talk to Papa Joe: Wala kahuwat

DEAR Papa Joe,

Ako si James, 21, taga Leyte apan dia ko karon nagpuyo sa Urgello, Cebu City. Nagtrabaho ko karon sa Life Cebu isip usa ka headguard.

Akong problema mahitungod kini sa akong ex-girlfriend nga almost four years mi nga nagkauyab. Unya iyang parents babag sa among relationship tungod sa family background nga babaero daw akong papa. Then naningkmot ko nga nga ipakita sa iyang parents nga di ko pareho.

Then one time ni-decide siya nga magtaban mi kay di na daw niya kaya nga permi siya kasab-an sa iyang parents about sa among relationship. Adto nga time, nag-school pa ko adto og 4th year college sa Criminology. Mao to nagtaban mi for almost one month ug na-sacrifice akong pag-school tungod love nako siya. Pero naka decide ko nga papaulion siya tungod kay gusto ko mahuman kay pila na lang ka buwan mo-graduate na ko.

Mao to nagsabot mi kay naluoy man gud ko sa akong pa­rents nga naniguro og work para maka-school ko. Pero pro­mise nako niya nga siya ra gyud then kon makahuman na ko pangasaw-on nako siya og tarong. Kon di gihapon mosugot iyang parents magtaban na sab mi kay maka-apply na man ko bisan unsa nga work kay graduate na man ko. Pero nasakitan ko kay nakauyab siya og lain ug wa niya huna-hunaa ang akong effort niya. Iyang uyab karon kasado na ug may anak na pero buwag sa asawa. Pero hangtod karon wa pa ko ka move-on. Love gihapon nako siya.

Magpatambag ko kon unsa akong buhaton aron makalimtan nako siya. Ako pa ba gihapon nga handumon ang mga pait namo nga kaagi.

JAMES

Bay James,

Ako pa nimo, move-on. Dawata nga wala na siya ug kon ikaw nay prayoridad sa kinabuhi, siya sad mismo naa apan lahi. Basin ang pagpalayo sa ilaha maoy iyang gusto ug nahitabo nga naay lalake nga nisugyot bisan tuod og buwag apan nakahatag man sa iyang gusto. Na-turn off sad siguro siya sa pagpapauli nimo niya. Sayunan ka one month lang unya mao dayon to.

Lahi-lahi man gud og panghunahuna ang mga tawo. Gawas pa, basin di gyud mo sa usag usa apan bisan ingon ana imong sitwasyon, magpasalamaton ka kay sa kamubo sa panahon nga naa siya nimo, nahimo kang ikaw karon tungod sa pagpaninguha para niya. Sama ra na og mopalit og sapatos pero wa kay kwarta maong tigom og maayo apan sa dihang naa na kay kwarta, nahalin na ang imong gisaaran. Maong palit na lang og lain.

Karon pa lang dawata nga nawala na siya kay ning kalibutana di nato matag-an ang mga panghitabo. Salamat.

PAPA JOE

(Sa inyong tampoipadala lang sa papajoelon@hotmail.ph o joelonrt@hotmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph