Tambagi ko Noy Kulas: Gibiyaan og kalit

DEAR Noy Kulas,

Ako si Tony, 22, Nurse ko sa Cebu. Na-ibog kaayo ko sa usa ka single mom nga nag-edad og 26 nga dunay usa ka anak nga nag-edad og 3- anyos. Nakit.an nako siya sa usa ka dating site.

Nagka-estorya mi sa dating site through message hangtod ni offer siya nako nga mag Skype mi. Kining akong pagsulod sa usa ka dating site kay suwaysuway ra man. So, ako siyang gi-add sa akong Skype hangtod nga nag cam-to-cam mi. Pwerte niyang gwapaha.

Bisan kakita nako niya sa picture sa dating site, lahi kon makakita ko niya sa camera.

Unya pagkaugma, nag Skype na pud mi. Every 12 noon-2pm mi mag-Skype.

Iyang gihatag ang iyang cellphone number nako pagpadung na namo og out. Naa siya sa Manila. Nakaingon ko nga nagkagusto siya nako bisan kon average rani akong hitsura kay ingon pud siya nga ganahan daw ko niyang isuroy sa ilaha if magkakita na mi. Karong adto man ko og Manila. Ganahan siya nga magkakita mi.

Akong problema kay kalit kaayo nga ang iyang text messages cold kaayo. Wa ko makasabot nganong ingon ato iyang mga text nako. I asked her why. Wa na siya mo-reply. Sa Skype kay iya kong gi-delete. It’s been four days nako niyang wala tubaga. Tanang contact wala na.

Unsaon man ni nako, Noy Kulas? Di na man ko mahimutang. Maora’g naigo man kaayo ko aning bayhana. Tambagi ko.

TONY

Ton,

Kon duna ganiy kalit nga kausaban sa naandang gibuhat sa usa ka tawo, duna kiniy bug-at ug dakong rason. Maayo unta kon hinayhinay ang pagkausab niya. But abrupt man gud.

Busa dako ang possibility nga dunay kalit nga mga panghitabo nga nagtukmod kaniya nga putlon niyag kalit ang inyong communication. Apan di sab nato ma-discount ang possibility nga iya ka lang gipaganahan unya gikalitan og dump. Naa ra bay mga tawo nga ingon niana, labina niadtong dunay intent nga maninawos human sila masakiti og maayo.

Lisod usab nga magtagna-tagna hinuon ta kon unsay hinungdan nganong iya kining gibuhat. Kahibawo ko nga in just so short a time na-develop ang imong pagbati kaniya kay gawas nga gwapa siya, you are comfortable with her. Kay kitang mga lalake mangita baya sab og mga babaye nga atong ikasinabot o komportable tang makig-estorya. Unsaon ta man, wa na man siya.

Daghan pa kaayong mga babaye diha nga wa lang mo pa matagbui. Ayaw lang pagpamugos kon di na siya. Only time will tell kon kamo ba gyud o di. Move on. Pangitag laing babaye sa dating site or sa imong mga higala. Mao sab na ang nakabati sa dating site kay anytime sayon ra kang i-dump sa imong ikaila-ila. Mas maayo gyud nang naa ra diri, duol ra sa inyoha or ikakita mo frequently kay di lisod ang adjustment sa usag usa, labina kon ganahan na mo mo-sulod og mas taas nga level sa relasyon.

So, wa na man siya at this time, hunt again. Be wiser next time and don’t expect too much. Hinayhinay lang.

NOY KULAS

Alang sa imong problema, e-mail lang sa: kulassuper@sunstar.com.ph o sa kulassuper@gmail.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph