Tambagi ko Noy Kulas: Titser ang gipangita

DEAR Noy Kulas,

Just call me Mr. Lonely. Di sa panghambog, hitsuraan sad ko. Daghan ang naka-admire nako, but sad to say nga wa gyud niabot sa akong life ang Dream Girl nako.

Naa na ko sa sakto nga edad karon. Twenty seven na ko ug naa sad sa sakto nga work kay usa man sad ko ka manager sa dako nga company. Gusto man gud nako sa usa ka girl, kanang naay saktong trabaho. Kanang professional, most especially kanang teacher gyud akong dream na mapangasawa. But wa pa gyud koy na-meet. Problema nako kay may pagka torpe ko. Gusto na man gud nako, nga magminyo na ko sa age nga 29.

MR. LONELY

Mr. Lonely,

Naa ka na sa hustong edad tuod aron ka magminyo. Gawas nga husto sa edad, usa na sab ka ka manager. Stable nga trabaho ug mas mature na ang panglantaw sa kinabuhi. Di sama sa ubang mga lalake nga vanity lang kanunay ang gihuna-huna ingon man kaugalingon.

Di baya problema ron ang pagpangitag babaye, labina kon maes­tra kay daghan ron ang teachers nga mga dalaga pa. Nakahibawo ko ini kay nikuha kog masteral classes bag-ohay lang sa Cebu Normal Univesity (CNU) diin daghan kog classmates nga mga single pa. Okay kaayo nang maestra ang imong gustong minyoan apan di sab na maayo nga mao gyud nay imong pangitaon kay daghan man sab ang maayo minyoan, sama sa nurse ug uban pang professional.

Ang ikaduha mao ang character sa babaye ug family background. Mag-unsa man nang profession apan way batasan ug di maayong mo-relate sa isig ka tawo, labina nimo. Mag-unsa man nang profession apan ang pangutok maora sab og wa makaeskwela. Mao na ang pait diha kon makatumong ka og ingon niana og batasan. Ang family background mas maayo sab nga sutaon kay dako ni og role unya sa inyong kaminyuon.

Sa ato pa, suhitoha ang mamahimo nimong uyab. Pagsugod lang una sa pag-ila-ila ug higala una ka pa manguyab. Ilha og maayo ang babaye. Ayaw kahadlok manguyab kay di ka man patyon ug bitayon. Kahibawo ka ba nga ang mga babaye nga panguyab utro sab nang kulbaan?

Asa man ka mangitag uyab? Moabot ra na nga di mo paabuton. Mahimo man sab nga mag-status ka sa Facebook ug ubang social networking sites og single ka. Unya mag-announce ka nga nangita kag girlfriend. Sa ako nang giingon, di lisod rong panahuna mangitag uyab.

NOY KULAS

Alang sa imong problema, e-mail lang sa: kulassuper@sunstar.com.ph o sa rojval69@yahoo.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph