Testigo pagpatay ni Tentorio gihulgang patyon

NORTH COTABATO -- Gibati og kahadlok karon ang mga testigo sa pagpatay kang Fr. Fausto Tentorio didto sa lungsod sa Arakan Valley.

Matud sa usa ka alyas Paloy (tinuod nga bansagon gitago) nga halos adlaw-adlaw nakadawat sila og hulga nga sila patyon kon ugaling ipadayon ang ilang pagtestigo.

Bisan panahon sa kagabhion, dunay mamatikdan sila nga mga tawo nga maglibut-libot sa ilang balay.

Mga parokyano sa Our Mother of Perpectual Help sa Arakan gibati og kahadlok sanglti hangtud karon gawasnon pa ang mga tawo nga dunay kalabutan sa pagpatay sa pari.

Gibantayan karon sa kapulisan ang simbahan sa Arakan ilabi na kadtong mga empleyado sa kombento ug mga langyaw nga pari aron di mabiktima sa posibleng pagsabotahe sa ubang grupo.

Kahinumduman, gitudlo ni Jimmy Ato pinaagi sa iyang testimonya sa National Bureau of Investigation (NBI)-Northern Mindanao nga ang utok sa pagpatay sa pari mao sila William Buenaflor nga napildi isip mayor sa milabay nga 2010 election didto sa Arakan ug si kanhi Arakan Chief of Police Senior Inspector Benjamin Rioflorido.

Apil si Joe Sampulna ug iyang pag-umangkon nga si Duma nang gitudlo nga namusil sa biktima sulod sa kombento.

Apan mga giakusahan ni Ato hugot nga nanghimakak sa iyang akusasyon pinaagi sa pagsulti nga walay kamatuoran nga sila nalambigit sa pagpatay kang Tentorio.

Dako ang ilang pagtuo nga dunay mga tawo ang nagdikta kang Ato nga ilang akusahan aron tabunan ang tinuod nga utok sa pagpatay sa pari. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph