'Tindahang Pinoy' pormal nang gilusad

PAGPROMOTAR sa authentic Davao products, pagtabang nga ma-promotar ang small and medium entrepreneurs dinhi sa rehiyon pipila lamang sa gilantaw nga kaayuhan sa katukuran sa unang Tindahang Pinoy.

Ang Tindahang Pinoy pormal nga gilusad niadtong Sabado, dungan sa pagmaya sa siyudad sa Kadayawan Festival.

Kini hiniusang programa sa Department of Trade and Industry (DTI) ug Department of Tourism (DOT), kaabag ang Davao Eco Crafts Association nga maoy partner nila sa pribadong sektor.

Adbokasiya sab niya nga i-promotar ang green-eco products dinhi sa Davao region.

Sa pakighinabi kang Marizon Loreto, regional director sa DTI XI nga buot nilang makabaton og pasilidad ang siyudad diin asa pwede i-pwesto ang mga Davao made products nga ma-market sab ngadto sa ubang lugar.

"Sa experience namo, naa gyuy mga bisita nga inig abot nila dinhi sa Davao, they will ask kon asa sila makapalit og produkto nga authentic Davao made gyud. Daghan man ta og makita dinhi sa Aldevinco pero di man pure Davao made, mao nga we decided to come up with the program," ni Loreto sa pakighinabi kaniya.

Aron mas accesible ang shop, kini gipahimutang atubangan lamang sa usa ka dakong mall sa kanto Claveria-Roxas ning siyudad.

Usa si DTI Undersecretary Merly Cruz nga mitambong atol sa launching sa programa.

Pahayag sa opisyal nga daghang produkto dinhi sa nagkadaiyang bahin sa nasud ang di ma-market tungod walay lugar asa kini ibutang.

"Ang dami-daming good products dito sa atin. Yung mga SMEs natin na gumagawa ng world-class products, sayang kung di natin matulungan sa pagbebenta."

Ang Tindahang Pinoy dinhi sa dakbayan langkuban sa 70 porsyento nga Davao based products samtang ang 30 porsyento mga produkto gikan sa Visayas ug Luzon.

Nasayran nga kini ang pinaka-unang Tindahang Pinoy sa nasud, diin angliang satellite areas asa kini itukod didto sa Ce ug Clark sa Pampanga.

Ni Cruz nga unsa man ang mamahimong dagan sa maong negusyo dinhi ilaha kini nga i-apply sa pagbukas sa ubang satellite Tindahang Pinoy.

Giklaro sab sa opisyal nga ang negusyo dili sa gobyerno, kondili pribado kini.

Usa sab sa gihingusgan nga mapalig-on pa ang public-private partnership nga usa sa gikampanya sa nasyunal nga kagamhanan.

"Aside from helping our SMEs, tinatangkilik din natin yung mga gawang produkto dito sa atin" dugang ni Cruz.

Sa pikas bahin, isip dugang pagpalig-on sa kampanya, gilusad sab nila ang usa ka estratehiya nga ipatuman sa mga hotels dinhi.

Ang mga hotels butangan sa order form sa nagkadaiyang produkto nga buot nilang paliton gikan sa Tindahang Pinoy.

Advantage kini alang ngadto sa mga bisita nga di na makahimo sa pagsuroy sa mga souvenir shops sa siyudad.

"Itatawag lang ng hotel staffs yung order then ihahatid na lang sa kanila. Additional treatment din eto on our guest di ba. Siguro may extra charge pero not that much, minimal lang," ni Loreto. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph