Tinun-an gikulata, patay

PATAY nang midangat sa Southern Philippines Medical Center (SPMC) ang usa ka estudyante sa Mats College of Technology human gitabangan og kulata sa alas 3:10 sa kaadlawon kagahapon didto sa mga dalang Rizal ug Ponciano, siyudad sa Davao,

Ang biktima nailhan sa kapulisan pinaagi sa iyang school identification card nga mao si King Dioquino, 18, ulitawo ug napuyo sa South Villa II, Barangay Catalunan Grande, ning siyudad.

Base sa imbestigasyon ni Police Officer 3 Sherwin Arania sa San Pedro Police Station, nga nasayran nila ang nahitabo sa biktima human nanawag ang security guard sa hospital nga si Joel Liva.

Si Liva maoy nagpahibalo sa kapulisan nga dunay biktima sa pagpangulata nga midangat sa iyang gialgaran nga hospital.

Tungod sa maong report, gisusi dayon ni Arania ang maong hospital ug didto nasayran ang tinuod nga pangalan sa biktima.

Nasayran nga sa wa pa mahitabo ang insidente naglakaw ang biktima kauban ang iyang mga higala didto sa dalang Rizal.

Samtang naglakaw ang managhigala sa maong dapit, suma sa mga nakasaksi, gikulata ang biktima sa wa mailhi niyang mga kauban nga miresulta sa pagkabun-og sa kalawasan ni Dioquino.

Si Dioquino daling gitabang sa iyang mga higala nga sila Cris Oliva, Rommel Literado, ug Jessie Sumayang kinsa maoy nagdala sa biktima didto sa SPMC.

Mga doktor nga nag-atiman sa biktima nagbutyag nga wa nay kinabuhi ang biktima dihang miabot sa tambalanan mao nga gideretso nalang ang ang iyang patay'ng lawas sa morgue.

Si Police Chief Inspector Caezar Cabuhat, hepe sa San Pedro Police Station, nagmando dayon sa iyang mga imbestigador nga palawman ang imbetigasyon sa maong krimen.

Ang maong opisyal nagbutyag nga kinahanglan nga mailhan ug madakpan sa labing daling panahon ang mga suspetsado aron patubagon sa ilang salaod nga nahimo. (AD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph