TNT 2-0 ang tuyo

Duwa karon:

6:45 p.m. – Talk ‘N Text

batok Powerade

MOSUWAY pagposte og 2-0 nga bintaha ang defending champion Talk N’ Text Tropang Texters sa ilang pagpakigbatok og balik sa Powerade Tigers karong gabii sa Game 2 sa best-of-seven titular series sa 37th PBA Philippine Cup sa Araneta Coliseum.

Si Tropang Texters coach Chot Reyes naglaom nga agresibong mobawi ang Tigers ning kombatiha hilabi na kay mobalik na’g duwa ang no.1 rookie pick sa Tigers nga si JV Casio.

Ang Tigers nakadesider nga papahuwayon lang una ang ilang pambatong pointguard sa ilang 100-116 nga kapildihan sa Game 1 gumikan kay bun-og gyud kini sa ilang semi-finals series batok sa Rain or Shine Elasto Painters nga miabot og deciding Game 7.

Gusto sa Tigers management nga hingpit nga maalim si Casio sa iyang angol (right hamstring) hinungdan nga ilaha una kining gipapahuway.

“Winning game One enabled us to take advantage of JVee Casio’sabsence, but we have to be ready for their comeback as soon as JVeereturns,” asoy ni Reyes.

Ang Tropang Texters, nga nagtinguhang mahimong labing unang team sulod sa 27 ka mga tuig nga makadepensa og All-Filipino title, kinahanglan sab gyung magtutok sa labing pambato sa Tigers nga si Gary David.

Sa Game 1, nalimitahan sa Tropang Texters si David og 19 puntos, labing ubos niyang nahimo sulod sa 10 ka mga duwa sa playoffs.

Apan bisan unsang orasa, puwede gyung mobuto si David ug sayod ang Tropang Texters niini busa nangandam gyud sila’g maayo.

“In game One, we were able to limit Gary (David) below 20 points. Itwas a good defensive job for us and Sean Anthony we have to withstandhim,” dugang ni Reyes. Frank Calapre)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph