'Tourism slogan' wala naapektuhan sa pagpamatay

BISAN dunay gipatay nga usa ka dalagang nurse sa mga isnatser niadtong Sabado, apan wa kini nakaapekto sa promotional slogan sa city tourism nga nagkanayon 'life is here'.

Kini ang pahayag ni Davao City Mayor Sara Z. Duterte-Carpio kagahapon human gipakisayran kon nakaapekto ba ang kamatayon ni Marjorie Kwan, 23, kinsa gipatay didto sa Amber Street, RGA Village, Barangay Paciano Bangoy, siyudad sa Davao.

Si Kuwan gipusil alas 11:30 sa buntag human nagdumili siya nga ihatag ang iyang bag ngadto sa duha ka mga isnatser nga nagsakay og motorsiklo.

Giangkon ni Duterte-Carpio nga di lamang kadto ang unang higayon nga nahitabo sa siyudad.

Dihang gipangutana kon nakadawat siya sa reaksiyon sa mga tawo pinaagi sa social media nga nanawagan sa mayor nga sulbaron ang krimen, si Duterte-Carpio nagsulti nga di malikayan nga mogamit ang publiko sa social media aron ipaabot ang ilang panawagan.

"Pero dili pud nato kalimtan ang effort sa mga pulis sa pag-bantay sa kalinaw sa Davao," pahayag ni Duterte-Carpio.

Ang mayor nagkanayon nga ang siyudad magpabilin nga mobarug sa iyang tourism slogan nga 'life is here in Davao City'.

Sa pagsuwat ning balita, wa pay nasikop ang kapulisan sa mga suspek nga mipatay sa biktima. (Jereco O. Paloma)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph