NAPUSILAN ang tulisan sa pulis nga sakop sa Mandaue City Police Office (MCPO) human nisuwayg sukol sa dihang dakpon na unta human kini nanulis niadtong Sabado sa hapon didto sa Highway Seno, dakbayan sa Mandaue.
Ang napusilan giila nga si Marlouie SoroƱo, 20, ulitawo, ug molupyo sa Santa Cruz, Barangay Guizo sa samang dakabayn.
Samtang, ang biktima mao si Gilbert Ablong, 28, ulitawo ug nagpuyo sa Sityo Fatima, Barangay Subangdako.
Matod pa nga ang biktima nagmaneho sa iyang L-300 van dihang nihunong sa traffic light sanglit naatol man usab nga stop light.
Natunong usab nga dunay nanawag sa cellphone ang biktima dihang iyang gitubag kalit lang niduol ang gikatahapan dayong tion og kalibre .38 ug nideklarag tulis.
Ang suspek daling nikuha sa iyang cellphone ug sibat unya sa dihang nangayog tabang ang biktima natumong usab nga diha ang sakop sa motorcycle cop sa MCPO nga si PO1 Vimar Evardo.
Nahitabo ang ginukdanay sa dihang na-corner ang suspek misuway kini sa pagpusil sa pulis hinungdan nga giunhan kini sa pagpusil nga miresulta sa pagkaigo sa ubos sa sampot niini.
Daling gidala sa tambalanan samtang nakuha pagbalik ang cellphone sa biktima ug ang armas niini nga kalibre .38. (DRT)