Tutor, Largo nangharos sa Calungsod run

GIPATIGBABAWAN nila ni Christy Sevilleno Tutor ug Michael Largo ang women’s ug men’s 10K divisions sa First Anniversary Run for San Pedro Calungsod kagahapon sa San Pedro Calungsod Chapel sa South Reclamation Project (SRP).

Si Tutor mioras og 47:24 aron lupigon ang sikit niyang karibal nga si Carla Cosep, kinsa segundos lang nga nagsunod kaniya (47:54). Miangkon sa ikatulong dapit mao si Virgie Parajenog, kinsa adunay oras nga 48:18.

Sa iyang bahin, si Largo mioras og 36:36 aron dominahon ang iyang kategoriya. Ang nagsunod kaniya nga si Joey Owacan adunay oras nga 38:16 samtang ang nahimutang sa ikatulong dapit nga si Clivan Alegres mioras og 39:44.

Sa 5K men’s category, midaog si Joel Delposo pinaagi sa oras nga 17:31 samtang nagsunod kaniya sila si 2nd placer Judel Batarilan (17:42) ug 3rd placer Ronald Baoas (18:45).

Si Kesha Mae Delechos maoy midaog sa 5K women’s pinaagi sa oras nga 23:31, ang 2nd placer mao si Irish Delechos (23:37) samtang ang 3rd placer mao si Criselda Allanic (24:19).

Sa 3K, si Andoy Mejaros nipatigbabaw sa men’s pinaagi sa oras nga 10:41 samtang si Joy Postanes sa womens sa oras nga 15:19.

Nagkanayon si Rev. Msgr Vicente L. Tupas Jr. nga wala sila magdahom nga moabot og 1,500 runners ang nangapil sa lumba, nga usa sa mga kalihukan sa Ca­nonization of San Pedro Calungsod 1st anniversary nga gikatakda karong Oktubre 21.

Gipasabot ni Msgr. Tupas nga 700 runners lang ang labing daghan nga ilang gituohang manga­pil sa lumba.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph