Ulitawo, gimatada sa kauban

JOSE ABAD SANTOS, Davao del Sur - Nakahiagum og daghang samad sa kalawasan ang usa ka lalaki human gitigbas ug gilabay sa baybayon didto sa Sityo Andagaw, Barangay Marabatuan.

Naukay ang mga molupyo sa dihang nakaplagang patay ang biktima nga si Lito Munsad, ulitawo, mag-uuma sa maong dapit.

Base sa imbestigasyon ni Police Officer 2 Samuel Milan Jr. sa Jose Abad Santos Police Station, nakaplagang wa nay kinabuhi si Munsad alas 8:30 sa gabii niadtong Lunes.

Sa paghiling, nasayran nga nakabaton siya og daghang mga samad tinigbasan sa lawas.

Subay sa taho, nga nakita ang biktima nga kauban si Jebreb Tacaran Cullama daplin sa baybayon alas 7:30 sa gabii didto sa Sityo Sta Maria, Barangay Caburan Big.

Si Cullama gidudahan nga maoy nagtigbas kang Munsad human nga nagkalalis sa wala pa masayri nga hinungdan.

Hinuon, nadakpan na ang suspek ug gipriso na sa selda sa kapulisan ug gitakdang pasakaan og kasong homicide sa korte. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph