Veco nangayog pagsabot

NANGAYO og pag­sa­bot ang Visayan Electric Company (Veco) gikan sa a publiko bahin sa posible nga problema sa kuryente sa pag-igo sa Sugbo sa bagyong Ruby karong gabii.

Ang hepe sa engineer group sa Veco, Engr. Valentin Saludes III, niingon nga anaa silay proseso nga gisunod alang sa pagbalik sa kuryente kon makasinati kini og brownout.

Matod niya nga anaay tulo ka network ang agian bag-o moabot ang kuryente ngadto sa ilang mga konsumidor kun ngadto sa tagsatagsa ka mga panimalay.

Una nga ilang i-check mao ang generation o ang gigikanan sa kuryente kon aduna ba kini igong supply o kina­hang­lanon nga ayuhon.

Ikaduha ngadto sa mga transmission kun ngadto sa mga poste nga anaay 69 voltage network.

Ikatulo ngadto sa 23kV network bag-o sa mga tagsatagsa ka mga panimalay.

Nipahimango sila nga anaa silay mga prayoridad nga mga establisemento nga unang sugaan susama sa mga tambalanan, water districts susama sa Metro Cebu Water District (MCWD), military establishments ug kadtong mga government agency.

Sa mokabat 370,000 ka mga konsumidor sa Veco sa upat ka mga siyudad ug upat ka mga lungsod, nitataw si Saludes nga kadtong duol sa feeders o backbone lines susama sa dagko nga linya sa kuryente nga makita sa dalan mao ang una usab nga masugaan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph