Way Pacman-Floyd Jr. fight sa Mayo 5:Arum

GIPADAYAG ni Bob Arum, promoter ni boxing star Manny Pacquiao, nga nga kon madayon man gani ang megafight tali ni Pacquiao ug ni Floyd Mayweather Jr., dili pa kini angayang ipahigayon karong Mayo 5 sa MGM Grand sa Las Vegas ning higayuna.

“You have to maximize (the earning potential),” batbat ni Arum.

Ang MGM Grand aduna la’y 18,000 capacity apan gusto ni Arum nga huwaton nga mahuman ang 45,000-capacity venue sa Las Vegas aron mas dako ang kitaon sa away.

“We’re going to lose $20 million if the fight is held at the MGM Grand,” batbat ni Arum.

Ang pamahayag ni Arum nasukwahi sa mga panghinaot ni Manny Pacquiao nga siya na gyud ang pilion ni Mayweather nga makontra karong Mayo 5.

Ang kampo usab ni Mayweather daw sa mipasumbingay nga ila lang unya ipahibawo kon kinsa ang makontra ni Mayweather karong Mayo 5.

Tungod sa maong mga pamahayag, hayan mihanap na og samot nga mahinayon ang megafight karong Mayo.

Sa laing bahin, nagtuo ang trainer ni Mexican Juan Manuel Marquez nga si Nacho Beristain nga ang iyang batos mao gyu’y pilion nga kontra ni pound-for-pound champion Manny Pacquiao, posible karong Hunyo.

Gibasi ni Beristain ang iyang pagtuo sa kontrobersyal nga majority decision nga kadaugan ni Pacquiao batok kang Marquez sa ikatulo nilang panagharong dili pa lang kaayo dugay.

Gipasabot ni Beristain nga gusto gyud ni Pacquiao nga modaog og klaro batok kang Marquez.

“Pacquiao is obsessed with beating Juan,” asoy ni Beristain sa interbyu sa www.boxingscene.com.

“At times, he was attacking Juan with everything, but he couldn’t knock him out.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph